Рабковічы

Вёска Рабковічы Краіна Беларусь Вобласць Брэсцкая Раён Баранавіцкі Сельсавет Вольнаўскі Каардынаты 53°18′34″ пн. ш. 26°15′16″ у. д. Насельніцтва ▼63 чал. (2009) Часавы пояс UTC+3 Тэлефонны код +375 163 Аўтамабільны код 1 СААТА 1204807056 Рабковічы на карце Беларусі ±

Рабко́вічы (трансліт.: Rabkovičy, руск.: Рабковичи) — вёска ў Баранавіцкім раёне Брэсцкай вобласці. Уваходзіць у склад Вольнаўскага сельсавета. Размешчаны за 30 км на паўднёвы ўсход ад Баранавічаў, за 10 км ад чыгуначнай станцыі Пагарэльцы на лініі Баранавічы — Мінск.

Да вёскі далучаны суседні хутар Уланаўшчына.

Гісторыя

У 1897 годзе ў Чэрніхаўскай воласці Навагрудскага павета Мінскай губерні, дзейнічалі праваслаўная капліца, карчма.

З 1921 года ў складзе Польскай Рэспублікі, у Паланэчкаўскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да 7 ліпеня 1944 года вёска акупіравана нямецка-фашысцкімі захопнікамі. На франтах вайны загінула 19 вяскоўцаў.

Насельніцтва

• 49 двароў, 311 жыхароў (1897)
• 58 двароў, 232 жыхары (1909)
• 69 дамоў, 391 жыхар (1921)
• 340 жыхароў (1959)
• 320 жыхароў (1970)
• 96 двароў, 120 жыхароў (1998)
• 60 гаспадарак, 87 жыхароў (2005)

Вядомыя асобы

• Анастасія Андрэеўна Жук (1931—2018) — беларуская паэтэса, педагог.
• Мікалай Іванавіч Тупальскі (нар. 1928) — беларускі педагог, спецыяліст у галіне тэорыі і методыкі навучання замежным мовам, прафесар (1990).

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх