Партыя «Беларуская сацыял-дэмакратычная Грамада»
 |
Няма спасылак на крыніцы.
Адсутнасць спасылак на крыніцы выклікае недавер да інфармацыі.
Калі ласка, калі ведаеце крыніцы змешчанай у артыкуле інфармацыі, пазначце іх. |
Беларуская сацыял-дэмакратычная грамада (БСДГ) — партыя сацыял-дэмакратычнага кірунку. Створана ў 2 сакавіка 1991 г. Працягвае традыцыі Беларускай сацыялістычнай грамады і Беларускай сацыял-дэмакратычнай партыі. Кіруючы орган паміж з'ездамі — Цэнтральная рада. БСДГ заяўляў, што яна левацэнтрысцкая партыя парламенцкага тыпу, якая лічыць прыярытэтнымі кірункамі сваёй дзейнасці прапаганду і абарону агульначалавечых каштоўнасцяў, ідэалаў сацыял-дэмакратыі, сацыяльную абарону чалавеку працы. Мэта яе дзейнасці — пабудова незалежнай дэмакратычнай, прававой і сацыяльнай беларускай дзяржавы як раўнапраўнага суб'екта еўрапейскай і сусветнай супольнасці. Філіі і суполкі БСДГ дзейнічаюць ва усіх абласных цэнтрах і многіх гарадах Беларусі.
21 мая 1991 г. партыя прайшла рэгістрацыю (рэгістрацыйнае пасведчанне № 090). 9 сакавіка 1995 г. партыя прайшла перарэгістрацыю (рэгістрацыйнае пасведчанне № 012).
15 лютага 1998 г. прайшоў Устаноўчы з'езд партыі. 27 мая 1998 г. партыя зарэгістраваная Міністэрствам юстыцыі Рэспублікі Беларусь (рэгістрацыйнае пасведчанне № 042). 30 жніўня 1999 г. партыя прайшла перарэгістрацыю (рэгістрацыйнае пасведчанне № 007).
[правіць] Старшыні партыі
- Міхаіл Аляксандравіч Ткачоў (сакавік 1991—1992 гг.)
- Алег Анатольевіч Трусаў (1992—1995 гг.)
- Станіслаў Станіслававіч Шушкевіч (1998 - )
