Эміль Шкода

З пляцоўкі Вікіпедыя
Перайсці да: рух, знайсці
Эміль Шкода
Emil Škoda
Emil Skoda.jpg
Эміль Шкода
Дата нараджэння: 19 лістапада 1839({{padleft:1839|4|0}}-{{padleft:11|2|0}}-{{padleft:19|2|0}})
Месца нараджэння: Пльзень, Чэхія
Дата смерці: 8 жніўня 1900({{padleft:1900|4|0}}-{{padleft:8|2|0}}-{{padleft:8|2|0}}) (60 гады)
Месца смерці: Сяло Зелцтал, Штырыя, Аўстрыя
Род дзейнасці: інжынер і прадпрымальнік
Лагатып ВікіСховішча Эміль Шкода на Вікісховішчы

Эміль Шко́да (чэшск.: Emil Škoda, 19 лістапада 1839, Пльзень — 8 жніўня 1900, Аўстрыя) — чэшскі інжынер і прадпрымальнік. Заснавальнік найбуйнейшага машынабудаўнічага завода Skoda (сёння Škoda Holding As).

Біяграфія і прафесійная дзейнасць[правіць | правіць зыходнік]

Эміль Шкода нарадзіўся 19 лістапада 1839 года ў Пльзені ў сям'і ўрача Францішака Шкоды. Бацька Эміля быў саветнікам па пытаннях аховы здароўя, меў дваранскі тытул, нададзены імператарам Франц-Іосіф I. Урачом быў і дзядзька Эміля — Ёзэф Шкода, які жыў ў Вене.

Пасля заканчэння сярэдняй школы ў горадзе Хеб (Чэхія) Эміль працягнуў навучанне спачатку ў Чэшскім Тэхнічным Універсітэце ў Празе, затым і ў Тэхнічным універсітэце Карлсруэ, Германія. Пасля завяршэння вучобы ў якасці інжынера Эміль Шкода накіраваўся праходзіць практыку ў Францыю, Англію і Злучаныя Штаты Амерыкі. Доўгі час правёў у Прусіі — адной з самых тэхнічна развітых краінах таго часу. Але з пачаткам аўстра-прускай вайны ў 1866 годзе Эміль вярнуўся ў свой родны горад Пльзень, дзе стаў галоўным інжынерам фабрыкі тэхнікі Валенштайна-Вартэнберга. Праз тры гады, ў 1869 годзе, ён купіў фабрыку, перанёс яе з цэнтра горада на ўскраіну і пачаў пашырацца[1].

Магіла Эміля Шкоды на могілках Святога Мікалая ў горадзе Пльзень

У 1876 годзе адкрылася першае замежнае прадстаўніцтва ў Кіеве, пазней былі створаны прадстаўніцтвы і ў іншых краінах. У 1880-х гадах фабрыка ўяўляла сабою сучаснае ліцейнае і металаапрацоўчае прадпрыемства, здольнае вырабляць ліццё вагай ў дзясяткі тон. Пад кіраўніцтвам Эміля Шкоды кампанія пачала вытворчасць абсталявання для цукровых і піваварных заводаў, руднікоў. У 1886 годзе кампаніяй Skoda была пабудавана чыгунка, а ў 1890 годзе пабудаваны новы завод па вытворчасці зброі для аўстра-венгерскай арміі. У 1896 годзе была пабудаваная новая зала зброевага завода, што дазволіла кампаніі стаць адным з найбуйнейшых еўрапейскіх вытворцаў зброі[2].

Эміль Шкода таксама прымаў удзел у стварэнні бровара Gambrinus.

12 снежня 1899 года завод Skoda быў ператвораны ў акцыянернае таварыства, у якім Эміль Шкода стаў генеральным дырэктарам. За развіццё машынабудавання ў Чэхіі Эміль Шкода атрымаў шматлікія ўзнагароды. Сярод іншага, ён быў членам парламента дзяржавы і шэрагу прамысловых прадпрыемстваў і ўстаноў.

Эміль Шкода памёр 8 жніўня 1900 года ў цягніку на шляху з Аўстрыі, дзе ён знаходзіўся на курорце, у сяле Зэлцтал, Штырыя. Пахаваны на Свята-Мікалаеўскіх могілках ў Пльзене. Яго пахаванне было велізарнай падзеяй для горада і ваколіц. Надмагільная пліта з бронзавым надпісам «Эміль Рытэр фон Шкода», працы італьянскага скульптара Рафаэла Раманэлі, была ўстаноўлена ў 1903 годзе.

Зноскі

Гл. таксама[правіць | правіць зыходнік]

Спасылкі[правіць | правіць зыходнік]