Рахіль Эфраімаўна Мазо

Рахіль Эфраімаўна Мазо
Рахіль Эфраімаўна Мазо
Дата нараджэння	6 лютага 1910
Месца нараджэння	Барысаў
Дата смерці	5 студзеня 2000 (89 гадоў)
Месца смерці	Мінск
Месца пахавання	Усходнія могілкі;
Грамадзянства	Расійская імперыя, СССР, Беларусь
Род дзейнасці	вучоная, урач, педыятр, медыцынскі адміністратар, ваенны ўрач, загадчык кафедры, выкладчыца ўніверсітэта
Навуковая сфера	педыятрыя
Месца працы	Інстытут аховы мацярынства і дзяцінства, 1-я гарадская клінічная бальніца (Мінск), Беларуская медыцынская акадэмія паслядыпломнай адукацыі
Навуковая ступень	доктар медыцынскіх навук
Навуковае званне	прафесар
Альма-матар	Маскоўскі ўніверсітэт, Мінскі медыцынскі інстытут
Прэміі
	Медаль «У азнаменаванне 100-годдзя з дня нараджэння Уладзіміра Ільіча Леніна»

Дагледжаная версія гэтай старонкі, зацверджаная 15 красавіка 2019, была заснавана на гэтай версіі.

Рахіль Эфраімаўна Мазо́^[1] (6 лютага 1910, Барысаў — 5 студзеня 2000^[2], Мінск) — вучоны, урач-педыятр, доктар медыцынскіх навук (1965), прафесар (1966).

Біяграфія

Нарадзілася ў горадзе Барысаў (сучасны раённы цэнтр у Мінскай вобласці Беларусі). У 1931 годзе скончыла педагагічны факультэт Маскоўскага ўніверсітэта. Працавала ў Мінску, у Інстытуце аховы мацярынства і дзяцінства. Не пакідаючы працу паступіла на лячэбны факультэт Мінскага медыцынскага інстытута, які скончыла ў 1940 годзе. З пачаткам Вялікай Айчыннай вайны эвакуіравалася ў Саратаў дзе спачатку працавала ўчастковым педыятрам, потым урачом, начальнікам аддзялення эвакашпіталя ў горадзе Уфа, у 1943—1944 гг. — урачом у вайсковай частцы. Пасля вызвалення ад захопнікаў вярнулася ў Мінск і да 1946 года працавала ардынатарам, загадчыкам дзіцячага аддзялення 1-й гарадской клінічнай бальніцы. У 1946 годзе паступіла ў аспірантуру пры Акадэміі навук БССР, якую скончыла ў 1949 годзе. Працавала на кафедры педыятрыі Беларускага інстытута ўдасканалення ўрачоў асістэнтам, з 1956 г. — дацэнт, з 1966 г. — прафесар, у 1969—1980 гг. — загадчык кафедрай.

Памерла Р. Э. Мазо 5 студзеня 2000 г. пахавана на Усходніх (Маскоўскіх могілках) Мінска^[2].

Навуковая і грамадская дзейнасць

Р. Э. Мазо з’яўляецца заснавальнікам дзіцячай кардыялогіі ў Беларусі, аўтарам больш за 60 навуковых прац, у тым ліку 4 манаграфій^[2]. У 1964 годзе ёй прысуджана навуковая ступень доктара медыцынскіх навук за навуковы даклад па манаграфіі «Инструментальные методы исследования в педиатрии». Была членам праўлення Усесаюзнага таварыства рэўматолагаў, Беларускага навуковага таварыства дзіцячых ўрачоў, старшынёй метадычнай камісіі Беларускага інстытута ўдасканалення ўрачоў^[2].

Сярод апублікаваных прац:

Инструментальные методы исследования сердца в педиатрии. — Мн.: Наука и техника, 1964.
Пособие по педиатрии для врачей. — Мн., 1969. (разам з І. Н. Усавым)
Пневмония у детей раннего возраста. — Мн., 1977.
Справочник педиатра-кардиоревматолога: справочное издание / Ред. Р. Э. Мазо. — Минск : Наука и техника, 1982. — 343 с. — Библиогр.: с. 331—335. — Предм. указ.: с. 336—339.

Узнагароды і прэміі

Зноскі

↑ Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9.
↑ ^а ^б ^в ^г Мазо Рахиль Эфраимовна (руск.) // Беларуская медыцынская акадэмія паслядыпломнай адукацыі

Літаратура

Мазо Рахіль Эфраімаўна // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). — С. 510.

Спасылкі

[БЭ9-1] Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9.

[БМАПА-2] а ^б ^в ^г Мазо Рахиль Эфраимовна (руск.) // Беларуская медыцынская акадэмія паслядыпломнай адукацыі

[1]

[2]