Міхаіл Ціханавіч Казлоўскі
| Міхаіл Ціханавіч Казлоўскі | |
|---|---|
| Дата нараджэння | 9 лютага 1903 |
| Месца нараджэння | Маляцічы, Чэрыкаўскі павет, Магілёўская губерня, Расійская імперыя |
| Дата смерці | 13 студзеня 1972 (68 гадоў) |
| Месца смерці | |
| Грамадзянства |
 Расійская імперыя,  СССР |
| Род дзейнасці | хімік |
| Навуковая сфера | хімія |
| Месца працы | Казахскі нацыянальны ўніверсітэт імя аль-Фарабі |
| Навуковае званне | |
| Альма-матар | Адэскі вышэйшы хіміка-тэхналагічны інстытут |
| Узнагароды |
 |
Міхаіл Ціханавіч Казло́ўскі[2] (9 лютага 1903 — 13 студзеня 1972) — вучоны-хімік, акадэмік Акадэміі навук Казахскай ССР (1962, член-карэспандэнт з 1953).
Біяграфія
Нарадзіўся ў вёсцы Маляцічы Чэрыкаўскага павета Магілёўскай губерні (сучасны аграгарадок у Крычаўскім раёне Магілёўскай вобласці Беларусі). У 1926 годзе скончыў Адэскі вышэйшы хіміка-тэхналагічны інстытут і працаваў у Інстытуце навукова-судовай экспертызы ў Адэсе[2]. З 1939 года ў Казахскім універсітэце.
Навуковая дзейнасць
М. Ц. Казлоўскаму належаць навуковыя працы па аналітычнай хіміі, атрыманні і вывучэнні амальгам, па распрацоўцы электрахімічных метадаў аналізу, тэорыі працэсу цэментацыі металамі і амальгамамі, узаемадзеяння металаў у ртутнай фазе. Займаўся таксама даследаваннямі дэзінтэграцыі металічных катодаў і ўтварэння тонкадысперсных парашкоў з узнікненнем адмоўных іонаў металаў[2].
Сярод апублікаванага;
- Избр. труды. Т. 1—2. — Алма-Ата, 1974.
Зноскі
- ↑ Czech National Authority Database Праверана 22 лютага 2022.
- ↑ а б в Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7.
Літаратура
- Казлоўскі Міхаіл Ціханавіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7). — С. 433.