Касцёл Найсвяцейшай Тройцы (Радашковічы)
Каталіцкі храм | |
Троіцкі касцёл | |
---|---|
54°09′18″ пн. ш. 27°14′26″ у. д.HGЯO | |
Краіна | Беларусь |
Месцазнаходжанне | |
Канфесія | Каталіцызм |
Епархія | Мінска-Магілёўская архідыяцэзія |
Дэканат | Маладзечанскі дэканат |
Дата пабудовы | 1850 год |
Стан | дзейнічае |
Медыяфайлы на Вікісховішчы |
Радашковіцкі касцёл — каталіцкі храм у гарадскім пасёлку Радашковічы Маладзечанскага раёна Мінскай вобласці, помнік архітэктуры позняга класіцызму.
Гісторыя
Пабудаваны ў 1850 з цэглы.
Архітэктура
Касцёл — 3-нефавая 2-вежавая базіліка з паўцыркульнай апсідай і дзвюма сакрысціямі абапал яе. Асноўны прамавугольны ў плане аб’ём накрыты 2-схільным дахам, апсіда — больш нізкім. Галоўны фасад вылучаны ў цэнтры глыбокім рызалітам і завершаны 2-схільным шчытом. Квадратныя 4-ярусныя вежы прарэзаны скразнымі арачнымі праёмамі, круглымі люкарнамі і завершаны шлемападобнымі купаламі. Бакавыя фасады рытмічна расчлянёны высокімі арачнымі аконнымі праёмамі і шырокімі пілястрамі ў прасценках.
Інтэр’ер
Інтэр’ер перабудаваны. Часткова захавалася керамічная падлога з арнаментальным малюнкам. Перад касцёлам брама з 3 арачнымі праходамі, аздобленая на галоўным фасадзе паўкалонамі і завершаная лучковым франтонам.
Цікавыя звесткі
У гэтым касцёле хрысцілі Янку Купалу.
Літаратура
- Радашковіцкі касцёл // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. С. 207.
Спасылкі
- Касцёл Найсвяцейшай Тройцы (Радашковічы) на сайце Глобус Беларусі (руск.)
- Касцёл Найсвяцейшай Тройцы (Радашковічы) на сайце Radzima.org