Касцёл Святога Яўхіма (Клюшчаны)
| Каталіцкі храм | |
| Касцёл Святога Яўхіма | |
|---|---|
.jpg) | |
| 54°57′53″ пн. ш. 26°09′30″ у. д.HGЯO | |
| Краіна |
 Беларусь |
| Вёска | Клюшчаны |
| Канфесія | Каталіцызм |
| Епархія |
Гродзенская дыяцэзія Астравецкі дэканат |
| Благачынне | Астравецкі дэканат |
| Архітэктурны стыль | неаготыка |
| Першае згадванне | 1726 |
| Будаўніцтва | 1726 |
 |
|
Касцёл Святога Яўхіма — драўляны каталіцкі храм у вёсце Клюшчаны Астравецкага раёна Гродзенскай вобласці. Размяшчаны ў паўночна-заходняй частцы вёскі.
У 1915–1916 у касцёле служыў Казімір Сваяк.
Гісторыя
Касцёл пабудаваны ў 1726 г. з дрэва па фундацыі Я.Корсака. Капітальна перабудаваны ў 1905 г. Зачынены ў 1948 г.
Вернуты католікам i адбудаваны ў 1990 г., рэкансэкраваны 16 кастрычніка 1993 г.
У ноч на 6 чэрвеня 2017 г. касцёл згарэў у пажары[1].
Архітэктура
Помнік архітэктуры неаготыкі. Прамавугольны ў плане храм з пяціграннай апсідай, па баках якой — нізкія сакрысціі. Галоўны фасад завершаны трохвугольным франтонам і фланкіраваны двух’яруснымі чацверыковымі вежамі, накрытымі высокімі шатрамі (надбудаваны ў 1905 г. замест цэнтральнай васьміграннай званіцы) з франтончыкамі-вімпергамі ў аснаванні. Такая ж меншага памеру сігнатурка вянчае гранёны дах над алтарнай часткай. Бакавыя фасады рытмічна расчлянёны высока ўзнятымі лучковымі аконнымі праёмамі з сандрыкамі і брусамі-сцяжкамі ў прасценках. Уваход арганізаваны праз невысокі прытвор пад пакатым двухсхільным пакрыццём. У афармленні фасадаў выкарыстана фігурная шалёўка.
Унутры малітоўная зала чатырмя слупамі падзелена на тры нефы, перакрытыя агульнай кесаніраванай бэлькамі столлю[2].
Быў акаймаваны бутавай агароджай з мураванымі слуповымі брамамі.
Зноскі
Літаратура
- Кулагін А. М. Каталіцкія храмы Беларусі: Энцыкл. даведнік / А. М. Кулагін.
Спасылкі
- Клюшчаны — парафія Св. Яўхіма — http://catholic.by/
- Касцёл Святога Яўхіма (Клюшчаны) на сайце Глобус Беларусі (руск.)
