Касцёл Святога Міхаіла Арханёла (Міхалішкі)
Славутасць | |
Касцёл Святога Міхаіла Арханёла | |
---|---|
![]() Касцёл Святога Міхаіла Арханёла ў Міхалішках | |
54°48′51″ пн. ш. 26°09′52″ у. д.HGЯO | |
Краіна | |
Месцазнаходжанне | |
Канфесія | каталіцтва |
Епархія | Гродзенская дыяцэзія |
Архітэктурны стыль | сармацкае барока |
Архітэктар | Крыштаф Пенс[d] |
Дата пабудовы | XVII стагоддзе |
Статус |
![]() |
![]() |
Касцёл Святога Міхаіла Арханёла ў Міхалішках — помнік сармацкага барока Вялікага Княства Літоўскага. Над ім працавалі запрошаныя для гэтага архітэктар Крыштаф Пэнс і скульптар П’етра Перці.
Гісторыя
[правіць | правіць зыходнік]![](http://upload.wikimedia.org/wikipedia/commons/thumb/4/4e/Michali%C5%A1ki%2C_%C5%9Aviranskaja%2C_A%C5%ADgustynski._%D0%9C%D1%96%D1%85%D0%B0%D0%BB%D1%96%D1%88%D0%BA%D1%96%2C_%D0%A1%D1%8C%D0%B2%D1%96%D1%80%D0%B0%D0%BD%D1%81%D0%BA%D0%B0%D1%8F%2C_%D0%90%D1%9E%D0%B3%D1%83%D1%81%D1%82%D1%8B%D0%BD%D1%81%D0%BA%D1%96_%28M._Janu%C5%A1kievi%C4%8D%2C_1871%29.jpg/220px-Michali%C5%A1ki%2C_%C5%9Aviranskaja%2C_A%C5%ADgustynski._%D0%9C%D1%96%D1%85%D0%B0%D0%BB%D1%96%D1%88%D0%BA%D1%96%2C_%D0%A1%D1%8C%D0%B2%D1%96%D1%80%D0%B0%D0%BD%D1%81%D0%BA%D0%B0%D1%8F%2C_%D0%90%D1%9E%D0%B3%D1%83%D1%81%D1%82%D1%8B%D0%BD%D1%81%D0%BA%D1%96_%28M._Janu%C5%A1kievi%C4%8D%2C_1871%29.jpg)
![](http://upload.wikimedia.org/wikipedia/commons/thumb/e/ef/Michali%C5%A1ki%2C_%C5%9Aviranskaja%2C_A%C5%ADgustynski._%D0%9C%D1%96%D1%85%D0%B0%D0%BB%D1%96%D1%88%D0%BA%D1%96%2C_%D0%A1%D1%8C%D0%B2%D1%96%D1%80%D0%B0%D0%BD%D1%81%D0%BA%D0%B0%D1%8F%2C_%D0%90%D1%9E%D0%B3%D1%83%D1%81%D1%82%D1%8B%D0%BD%D1%81%D0%BA%D1%96_%28J._K%C5%82os%2C_1930%29.jpg/220px-Michali%C5%A1ki%2C_%C5%9Aviranskaja%2C_A%C5%ADgustynski._%D0%9C%D1%96%D1%85%D0%B0%D0%BB%D1%96%D1%88%D0%BA%D1%96%2C_%D0%A1%D1%8C%D0%B2%D1%96%D1%80%D0%B0%D0%BD%D1%81%D0%BA%D0%B0%D1%8F%2C_%D0%90%D1%9E%D0%B3%D1%83%D1%81%D1%82%D1%8B%D0%BD%D1%81%D0%BA%D1%96_%28J._K%C5%82os%2C_1930%29.jpg)
![](http://upload.wikimedia.org/wikipedia/commons/thumb/0/09/Michali%C5%A1ki%2C_%C5%9Aviranskaja%2C_A%C5%ADgustynski._%D0%9C%D1%96%D1%85%D0%B0%D0%BB%D1%96%D1%88%D0%BA%D1%96%2C_%D0%A1%D1%8C%D0%B2%D1%96%D1%80%D0%B0%D0%BD%D1%81%D0%BA%D0%B0%D1%8F%2C_%D0%90%D1%9E%D0%B3%D1%83%D1%81%D1%82%D1%8B%D0%BD%D1%81%D0%BA%D1%96_%28F._Krauskopf%2C_1916%29.jpg/220px-Michali%C5%A1ki%2C_%C5%9Aviranskaja%2C_A%C5%ADgustynski._%D0%9C%D1%96%D1%85%D0%B0%D0%BB%D1%96%D1%88%D0%BA%D1%96%2C_%D0%A1%D1%8C%D0%B2%D1%96%D1%80%D0%B0%D0%BD%D1%81%D0%BA%D0%B0%D1%8F%2C_%D0%90%D1%9E%D0%B3%D1%83%D1%81%D1%82%D1%8B%D0%BD%D1%81%D0%BA%D1%96_%28F._Krauskopf%2C_1916%29.jpg)
Касцёл узведзены ў 1653 г. паводле праекта віленскага архітэктара-бельгійца Крыштафа Пенса на месцы папярэдняга драўлянага храма. Будаўніцтва вялося на замову Цыпрыяна Паўла Бжастоўскага.
Архітэктура
[правіць | правіць зыходнік]Касцёл двухвежавы, аднанефавы. Да прамавугольнага ў плане асноўнага аб’ёму з паўночнага ўсходу прымыкае пяцігранная апсіда з дзвюма невысокімі сакрысціямі. Асноўны аб’ём накрыты двухсхільным дахам з вальмамі над апсідай. Галоўны фасад падзелены на два ярусы простым карнізам, завершаны чацверыкамі вежаў з чатырохсхільнымі шатровымі дахамі і атыкавым франтонам паміж імі. Нязначны перапад вышынь зальнай часткі, апсіды і вежаў стварае ступеньчатасць сілуэта будынка. Пры ўваходзе невысокі паўкруглыаб’ём накрыты конусападобным дахам. Сцены прарэзаны вокнамі з паўцыркульнымі завяршэннямі і раскрапаваны філянговымі нішамі.
Інтэр’ер
[правіць | правіць зыходнік]У інтэр’еры асноўны аб’ём мае цыліндрычнае перакрыцце з распалубкамі на папружных арках, якія пераходзяць у магутныя пілястры. Алтарная частка з паўцыркульнымі арачнымі праёмамі. Пад хорамі размешчаны два ўваходы ў ніжнія ярусы вежаў, дзе знаходзяцца капліцы. Сцены паўкруглага аб’ёму члянёны шасцю паўцыркульнымі нішамі для скульптур. У аздабленні касцёла ў 1684—1700 гг. прымала ўдзел група замежных дэкаратараў у складзе Джаванні Марыя Галі, Андрэа Капонэ, сына архітэктара Яна Пенса пад кіраўніцтвам прыдворнага мастака Яна Казіміра Сапегі — П’етра Перці з удзелам мясцовага майстра Мікалая Жылевіча[1]. У дэкаратыўным убранні, сканцэнтраваным на паверхні сцен цэнтральнага аб’ёму, дамінуюць бела-блакітныя стукавыя барэльефы з выявамі святых і пышны раслінны арнамент, які аб’ядноўвае ўвесь дэкор у адзінае пластычнае цэлае.
Алтар
[правіць | правіць зыходнік]![](http://upload.wikimedia.org/wikipedia/commons/thumb/8/83/%D0%9A%D0%B0%D1%81%D1%8C%D1%86%D1%91%D0%BB_%D0%A1%D1%8C%D0%B2._%D0%9C%D1%96%D1%85%D0%B0%D1%96%D0%BB%D0%B0_%D0%9C%D1%96%D1%85%D0%B0%D0%BB%D1%96%D1%88%D0%BA%D1%96_%D0%B0%D0%BB%D1%82%D0%B0%D1%80.jpg/220px-%D0%9A%D0%B0%D1%81%D1%8C%D1%86%D1%91%D0%BB_%D0%A1%D1%8C%D0%B2._%D0%9C%D1%96%D1%85%D0%B0%D1%96%D0%BB%D0%B0_%D0%9C%D1%96%D1%85%D0%B0%D0%BB%D1%96%D1%88%D0%BA%D1%96_%D0%B0%D0%BB%D1%82%D0%B0%D1%80.jpg)
Асаблівым багаццем вылучаецца аздоба двух’яруснага галоўнага алтара з вітымі калонкамі. Па карнізе першага трохчасткавага яруса фігуры ўкленчаных епіскапаў, у цэнтры фігуры двух анёлаў. У навершы алтара рэльеф «Новазапаветная Тройца». Галоўны алтар, як і восем іншых, абрамлены акантам, з завіткоў якога нібы вырастаюць галовы дракона, сірэн і іншых фантастычных істот. На шырокіх сценавых пілонах гарэльефы 12 апосталаў. Пастаўленыя на квадратныя кансолі з маскаронамі розных тыпаў і памераў, яны амаль поўнасцю аддзелены ад сцен і ствараюць эфект руху. У прасценках паміж пілонамі знаходзяцца стукавыя алтары ў пышных барочных абрамленнях. Два бакавыя алтары з вітымі калонкамі і пілястрамі, якія падтрымліваюць папружную арку. У ляпных рамах алтарныя карціны: «Святая Сям’я» ў сярэбраным з пазалотай абкладзе пачатку XVIII ст., «Маці Божая Ружанцавая» (пачатак XIX ст.). Побач з карцінамі сюжэтныя барэльефы. Амбон, упрыгожаны пазалочаным раслінным арнаментам, падтрымліваецца ўнізе разным арлом, які трымае ў кіпцюрах картуш з гербам Бжастоўскіх. Балдахін драўляны, разны, у выглядзе кароны.
Агароджа
[правіць | правіць зыходнік]Каваная жалезная агароджа ў капліцах Св. Іосіфа (XVIII ст.) і Хрыста (XIX ст.).
Зноскі
Спасылкі
[правіць | правіць зыходнік]На Вікісховішчы ёсць медыяфайлы па тэме Касцёл Святога Міхаіла Арханёла (Міхалішкі)
- Касцёл Святога Міхаіла Арханёла (Міхалішкі) на Radzima.org
- Міхалішкі — парафія Св. Міхаіла Арханёла на Catholic.by
- Касцёл у Міхалішках — цуд італьянскіх майстроў(недаступная спасылка)