Ігар Пятровіч Барысаў

Ігар Пятровіч Барысаў
Дата нараджэння	24 мая 1982(1982-05-24) (38 гадоў)
Месца нараджэння	Магілёў, Магілёўская вобласць, БССР, СССР
Грамадзянства	Беларусь
Адукацыя	Беларуска-Расійскі ўніверсітэт (2004) Еўрапейскі гуманітарны ўніверсітэт (2009)
Партыя	БСДП
Член у	Беларускі прафсаюз работнікаў радыёэлектроннай прамысловасці Беларуская асацыяцыя журналістаў
Род дзейнасці	палітык, журналіст, публіцыст
Месца працы	Магілёўліфтмаш
Ігар Пятровіч Барысаў на Вікісховішчы

Ігар Пятровіч Барысаў (нар. 24 мая 1982, Магілёў) — беларускі палітык, рэдактар і журналіст. Магістр палітычных навук. Старшыня Беларуская сацыял-дэмакратычнай партыі (Грамада).

Біяграфія

Нарадзіўся ў Магілёве ў сям’і рабочых. У 2004 годзе скончыў Беларуска-Расійскі ўніверсітэт (Магілёў), у 2009 годзе — Еўрапейскі гуманітарны ўніверсітэт (Вільнюс). Мае дыпломы інжынера-электрыка і палітолага. Магістр палітычных навук. Жанаты, мае дзве дачкі.

У 2004—2006 гадах працаваў на заводзе «Магілёўліфтмаш», у 2009 годзе — у арганізацыі «Служба камплектацыі трубаправодаў — завод палімерных труб». У абодвух выпадках звольнены за палітычную дзейнасць. Цяпер працуе мэнэджарам у прыватнай фірме.

У 2018 годзе пераехаў з сям’ёй у Мінск.

Палітычная дзейнасць

У БСДП (Грамада) уступіў у 2001 годзе. З 3 жніўня 2008 года сябар ЦК БСДП, з 2009 года адказны за партыйную працу ў Магілёўскай вобласці, сябар Прэзідыума БСДП. З 10 кастрычніка 2010 года намеснік старшыні БСДП. З 13 сакавіка 2016 года першы намеснік старшыні БСДП. З 11 сакавіка 2018 года старшыня БСДП.

Член незалежнага прафсаюза работнікаў радыёэлектроннай прамысловасці (РЭП) і Беларускай асацыяцыі журналістаў.

Журналісцкая і рэдактарская дзейнасць

Ігар Барысаў на ІІ Форуме левых дэмакратычных сіл Беларусі 7 лютага 2021 года

Адзін з заснавальнікаў незалежнай рэгіянальнай газеты «НАШ Магілёў» (2006—2017). Выйшла 102 нумары. Галоўны рэдактар газеты «НАШ Магілёў» у 2010—2017 гадах.

Галоўны рэдактар партыйнага часопіса Рабочай групы «Жанчыны БСДП» «Адлюстраванне» (2011—2016). Выйшла 9 нумароў.

Галоўны рэдактар аналітычнага часопіса БСДП «Пазіцыя» (з 2018 года). Аўтар брашур «Беларуская сацыял-дэмакратыя і дыктатура» (2014), «Што такое дэкрэт № 3 і як яго абысці?» (2015), ініцыятар распрацоўкі «Праграмы дзеянняў БСДП» (2017)

Рэгулярна выступае са сваімі артыкуламі ў газеце «Народная Воля» і сайце naviny.by.