Адкрыты чэмпіянат Балгарыі па снукеры

Адкрыты чэмпіянат Балгарыі
Лагатып адкрытага чэмпіянату Балгарыі 2014
Год заснавання:	2012
Арэна:	Princess Hotel (2012) Зала Універсіяда (з 2013)
Горад:	Сафія
Краіна:	Балгарыя
Фармат:	Міні-рэйтынгавы турнір
Прызавы фонд:	€125,000 (з 2013)
Рэкорды
Дзеючы чэмпіён:	Шон Мёрфі (першы тытул)
Рэкордная колькасць тытулаў:	1: Джад Трамп Джон Хігінс Шон Мёрфі
Найвышэйшая серыя:	147: Том Форд (2012)
Апошні турнір
Адкрыты чэмпіянат Балгарыі 2014

Адкрыты чэмпіянат Балгарыі (англ.: Bulgarian Open, таксама вядомы як Victoria Bulgarian Open — ад назвы спонсара) — прафесійны міні-рэйтынгавы турнір па снукеру. Ён быў заснаваны ў 2012 годзе, калі праходзіў у гатэлі Princess Hotel, а з 2013 года праходзіць у зале «Універсіяда» ў Сафіі, Балгарыя. Адкрыты чэмпіянат Балгарыі з'яўляецца трэцім міні-рэйтынгавым турнірам у еўрапейскім туры серыі PTC сезона 2014/2015 і адным з шасці міні-рэйтынгавых першынстваў, якія праходзяць у кантынентальнай частцы Еўропы. З сезона 2013/2014 прызавы фонд кожнага турніру еўрапейскага туру складае €125,000, што болей, чым у два разы менш, чым самы малы прызавы фонд рэйтынгавага турніру у сезоне 2014/2015.

У 2014 годзе турнір праходзіў на працягу пяці дзён у пачатку кастрычніка (першы адкрыты чэмпіянат Балгарыі праходзіў у лістападзе, а розыгрыш 2013 года — у чэрвені), а ў апошнюю нядзелю былі згуляныя матчы 1/8 фіналу, чвэрцьфіналы, паўфіналы і фінальны двубой спаборніцтва.

Фармат адкрытага чэмпіянату Балагарыі ўключае ў сябе тры кваліфікацыйныя раунды, якія праходзяць у першыя дні турніру і ў якіх могуць прыняць удзел усе жадаючыя аматары за пэўную плату (у 2012 і 2013 гадах праходзіла толькі па аднаму кваліфікацыйнаму раунду). У асноўную стадыю трапляюць 104 сеяных прафесіяналаў (аўтаматычна) і 24 пераможца апошняга кваліфікацыйнага раунда, якія гуляюць на выбыванне, пачынаючы з 1/64 фіналу.

Дзеючым пераможцам турніру з'яўляецца Шон Мёрфі, які перамог Мартына Гоўлда ў фінальным матчы розыгрышу 2014 года. Да гэтага тытул адкрытага чэмпіянату Балгарыі выйгравалі Джад Трамп (2012) і Джон Хігінс (2013).

Вынікі

Год	Пераможца	Фіналіст	Фінальны лік	Паўфіналісты	КУ
2012	Джад Трамп	Джон Хігінс	4:0	Марк Дэвіс, Ніл Робертсан	128
2013	Джон Хігінс	Ніл Робертсан	4:1	Роні О'Саліван, Бары Хокінс	128
2014	Шон Мёрфі	Мартын Гоўлд	4ː2	Пітэр Эбдан, Майкл Уайт	128

Фіналісты турніру

Ігрок	П	Ф	КФ	ВТ	Фіналы
Джон Хігінс	1	1	2	2013	2012
Шон Мёрфі	1	0	1	2014	—
Джад Трамп	1	0	1	2012	—
Мартын Гоўлд	0	1	1	—	2014
Ніл Робертсан	0	1	1	—	2013

Пераможцы турніру па краінах

Краіна	КП	АКП	Першы тытул	Апошні тытул
Англія	2	2	2012	2014
Шатландыя	1	1	2013	2013