Бекард (БПЛА)

Бекард
Тып	беспілотнік
Вытворца	558-ы авіярамонтны завод
Эксплуатант	Беларусь

«Бекард» — беларускі беспілотны лятальны апарат, які вырабляецца на 558-м авіярамонтным заводзе. Упершыню прэзентаваны на выставе «МАКС-2019».

Апісанне

Прызначаны для вядзення оптыка-электроннай разведкі мясцовасці ў дзённы і начны час. Можа прымяняцца для назірання ў зададзеным раёне і атрымання ў рэальным маштабе фатаграфічнай альбо тэлевізійнай выявы мясцовасці, пошуку і выяўлення наземных (надводных) аб’ектаў, вызначэння іх каардынатаў, аўтаматызаванага суправаджэння наземных (надводных) аб’ектаў, перадачы разведвальнай інфармацыі ў рэальным рэжыме часу камандзірам падраздзяленняў тактычнага звяна.

Для дрона распрацаваны беспілотны авіяцыйны комплекс у складзе 2 беспілотнікаў, наземнай станцыі кіравання, аўтаматызаванага рабочага месца, наземнай апаратуры інфармацыйна-каманднай радыёлініі, сродкаў наземна-паветранай радыёсувязі.

БПЛА «Бекард» аснашчаны модулямі фотаразведкі, інфрачырвонай разведкі, тэлевізійнай разведкі. Узлёт вырабляецца з рукі, прызямленне – на парашуце. Кіраванне апаратам ажыццяўляецца ў аўтаматычным і аўтаматызаваным рэжымах. Для навігацыі выкарыстоўваюцца спадарожнікавая радыёнавігацыйная і бесплатформенная інерцыяльная навігацыйная сістэмы, якія даюць хібнасць вызначэння каардынатаў у межах 50 м.

Тактыка-тэхнічныя характарыстыкі:

• максімальная ўзлётная маса – не больш за 5 кг;
• далёкасць прымянення – да 15 км;
• вышыня вядзення разведкі – ад 50 да 1000 м;
• крэйсерская хуткасць палёту пры максімальнай узлётнай масе (на вышыні вядзення разведкі) – не менш за 60 км/г;
• працягласць палёту пры максімальнай узлётнай масе з крэйсерскай хуткасцю (на вышыні вядзення разведкі) – не менш за 60 хвіл;
• максімальная хуткасць пры максімальнай узлётнай масе (на вышыні вядзення разведкі) – не менш за 90 км/г.

Літаратура

• Александр Алесин Белорусские беспилотные летательные аппараты: этапы развития и перспективы (Часть 2) // Мінскі дыялог. — 2023. — 15 верасня — № 20.