Белакаменныя помнікі Уладзіміра і Суздаля

Белакаменныя помнікі Уладзіміра і Суздаля*
White Monuments of Vladimir and Suzdal**
Сусветная спадчына ЮНЕСКА
Краіна	Расійская Федэрацыя
Тып	Культурны
Крытэрыі	i, ii, iv
Спасылка	633
Рэгіён***	Еўропа і Паўн. Амерыка
Гісторыя ўключэння
Уключэнне	1992  (16 сесія)
* Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА

Белакаменныя помнікі Уладзіміра і Суздаля (руск.: Белокаменные памятники Владимира и Суздаля, англ.: White Monuments of Vladimir and Suzdal) — зборная назва, пад якой ЮНЕСКА ў 1992 годзе ўключыла ў спіс Сусветнай спадчыны сярэдневяковыя архітэктурныя помнікі гарадоў Уладзіміра і Суздаля, і прылеглых мястэчак Багалюбава і Кідзекшы. Гэтыя аб'екты былі створаны ў 12—13 стст. з мясцовага белага вапняку, ад якога і атрымалі сваю назву — белакаменныя.

У спіс сусветнай спадчыны гэтыя аб'екты былі ўключаны як шэдэўр чалавечага творчага генія і выдатныя ўзоры дойлідства Кіеўскай Русі 12—13 стст., якія ілюструюць гэты перыяд чалавечай гісторыі. У прыватнасці, ЮНЕСКА асобна вылучае сабор Успення Прасвятой Багародзіцы і сабор Святога Дзмітрыя Салунскага ва Уладзіміры.

Спіс помнікаў

У наступнай табліцы прыведзены спіс помнікаў, уключаных у спіс Сусветнай спадчыны ЮНЕСКА.

№	Выява	Месца	Назва	Час будаўніцтва	Захаванасць
633-001		Уладзімір	Успенскі сабор	1158—1160, 1186—1189	добрая
633-002		Уладзімір	Залатыя вароты	1158—1164	сярэдняя
633-003		Багалюбава	Палаты Андрэя Багалюбскага (рэшткі палат і царквы ўбудаваныя ў комплекс Багалюбскага манастыра)	1158, з XIII ст. занятыя манастыром	рэшткі
633-004		Багалюбава	Царква Пакрова на Нерлі	1165—1166	добрая
633-005		Уладзімір	Дзмітрыеўскі сабор	1194—1197	добрая
633-006		Суздаль	Суздальскі крэмль	1094—1225	добрая
633-007		Суздаль	Спаса-Яўфім'еў манастыр	1352	выдатная
633-008		Кідзекша	Царква Барыса і Глеба	1152—1157	сярэдняя

Няўключаныя помнікі

Па невядомых прычынах у спіс аб'ектаў Сусветнай спадчыны не было ўключана некалькі падобных помнікаў, размешчаных у гэтым жа рэгіёне, а іменна:

Выява	Назва	Месца	Час будаўніцтва	Захаванасць
	Спасо-Праабражэнскі сабор	Пераслаўль-Залескі	1152—1157 гг.	добрая
	Георгіеўскі сабор	Юр’еў-Польскі	1230—1234, XV ст.	добрая
	Пакроўскі манастыр	Суздаль	1364, XVI ст.	добрая
	Успенскі Княгінін манастыр	Уладзімір	1200, XVI ст.	добрая