Блез Паскаль

З пляцоўкі Вікіпедыя
Перайсці да: рух, знайсці
Блез Паскаль
Blaise pascal.jpg
Род дзейнасці:

матэматык, філосаф, багаслоў[d], фізік, пісьменнік і French moralists[d]

Дата нараджэння:

19 чэрвеня 1623(1623-06-19)

Месца нараджэння:

Горад Клермон-Феран[1]

Дата смерці:

19 жніўня 1662(1662-08-19) (39 гадоў)

Месца смерці:

Парыж, Каралеўства Францыя[d][2][3]

Бацька:

Étienne Pascal[d]

Жонка:
Commons-logo.svg Блез Паскаль на Вікісховішчы
Лагатып Вікікрыніц Творы ў Вікікрыніцах

Блез ПАСКА́ЛЬ (фр.: Blaise Pascal; 19 чэрвеня 1623, Клермон-Феран — 19 жніўня 1662, Парыж) — французскі філосаф і літаратар, матэматык, фізік.

Стварыў вылічальную машыну (працу над якой распачаў у 1642 годзе), якая атрымала назву «паскаліна». Устанавіў асноўны закон гідрастатыкі, падцвердзіў меркаванне Эванджэліста Тарычэлі пра існаванне атмасфернага ціску. У палове жыцця адышоў ад вывучэння прыродазнаўчых навук і зацікавіўся філасофіяй і рэлігіяй, схіляўся да янсенізму.

З 1655 жыў у кляштары янсеністаў. Аўтар філасофскіх трактатаў і сатырычных твораў. У філасофскіх творах — «Думкі» (апубл. 1669) і інш. выказваў ідэі аб трагічнасці і кволасці чалавека, які знаходзіцца паміж двума бяздоннямі — бясконцасцю і мізэрнасцю («чалавек — часцінка, якая мысліць»). Выступаў за аўтаномію навукі ў адносінах да філасофіі, сцвярджаў каштоўнасць эксперыментальнага метаду. Лічыў, што «чалавек прызначаны для бясконцасці», а розум павінен падначальвацца фактам. Шлях спасціжэння таямніц быцця, выратавання чалавека ад адчаю бачыў у хрысціянстве. Палеміка з езуітамі адлюстравалася ў «Лістах да правінцыяла» (1656-57) — шэдэўры французскай сатырычнай прозы.

Яго імем названа мова праграмавання — паскаль, і адзінка ціску — паскаль.

Вядомасць атрымала і яго сястра Жаклін Паскаль.

Спасылкі[правіць | правіць зыходнік]

  1. Аверинцев С. С. Паскаль Блез — 3-е изд. — М.: Советская энциклопедия, 1975. — Т. 19 : Отоми — Пластырь. — С. 260—261.
  2. Record #118591843 // Общий нормативный контроль — 2012—2016.
  3. Аверинцев С. С. Паскаль Блез // Большая Советская Энциклопедия: [в 30 т.] — 3-е изд. — М.: Советская энциклопедия, 1975. — Т. 19 : Отоми — Пластырь. — С. 260—261.