Перайсці да зместу

Вячаслаў Аляксеевіч Тарасаў

Дадаць спасылкі
З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Тарасаў.
Вячаслаў Аляксеевіч Тарасаў
Дата нараджэння 17 кастрычніка 1938(1938-10-17)[1]
Месца нараджэння
Дата смерці 20 студзеня 1997(1997-01-20)[1] (58 гадоў)
Месца смерці
Грамадзянства
Род дзейнасці мастак, сцэнограф, дызайнер касцюмаў, мастак-мультыплікатар
Месца працы
Жанр сцэнаграфія, станковая графіка[d], кніжная графіка, жывапіс, мультыплікацыя, графіка і станковы жывапіс[d]
Вучоба
Член у

Вячаслаў Аляксеевіч Тара́саў[2] (руск.: Вячеслав Алексеевич Тарасов; 17 кастрычніка 1938(1938-10-17)[1], Растоў, Яраслаўская вобласць[1] — 20 студзеня 1997(1997-01-20)[1], Мінск)— мастак, сцэнограф, мастак-мультыплікатар.

Біяграфія[правіць | правіць зыходнік]

Нарадзіўся ў горадзе Растоў (Яраслаўская вобласць Расіі). У 1962 годзе скончыў факультэт прыкладнога мастацтва[3] Маскоўскага тэкстыльнага інстытута (спецыяльнасць — мастацкае афармленне тканін і вырабаў[4]). У 1963—1970 гадах працаваў мастаком-мадэльерам[4] у Рэспубліканскім доме мадэлей у Мінску. У 1971—1975 гадах мастак-пастаноўшчык[4] у Беларускім рэспубліканскім тэатры юнага гледача. З 1976 года[2] Вячаслаў Тарасаў мастак-пастаноўшчык студыі мультыплікацыйных фільмаў[4] кінастудыі «Беларусьфільм». У 1975—1976 гадах працаваў мастаком-ілюстратарам у выдавецтве «Літаратура і мастацтва»[4] (верагодна, у выдавецтвах «Мастацкая літаратура», «Беларусь»[5]).

Член Беларускага саюза мастакоў з 1973 года[3].

Творчасць[правіць | правіць зыходнік]

У Тэатры юнага гледача аформіў спектаклі «Пэпі — доўгая панчоха» (1970) і «Новыя прыгоды Карлсана» (1973) паводле А. Ліндгрэн, «Зялёная птушка» (1972) Карла Гоцы, «Дзяўчына і красавік» Т. Яна (1971), «Адчыніце, казляняткі!» П. Макаля, «Палёт» У. Мехава і іншыя. Мастак-пастаноўшчык мультыплікацыйных фільмаў «Папяровая казка» 1976), «Казка пра вясёлага клоуна» (1980), «Песня пра зубра» (1982), «Каўбойскія гульні» (1986), «Светлячок і расінка» і іншых. Аўтар ілюстрацый да выданняў твораў В. Вольскага, К. Кірэенкі, Лопэ дэ Вэга, Ю. Свіркі, А. Твардоўскага і іншых аўтараў. Таксама Вячаслаў Тарасаў працаваў у станковым жывапісе: «Салдаты», «Юнацтва», «Зялёны луг», «Дзяцінства», «Акно» і іншыя.

Удзельнік мастацкіх выставак з 1966 года[3]. Творы мастака знаходзяцца ў Нацыянальным мастацкім музеі Рэспублікі Беларусь, фондах Беларускага саюза мастакоў[3].

Зноскі[правіць | правіць зыходнік]

  1. ↑ а б в г д е ё Тара́саў Вячаслаў Аляксеевіч // Беларуская энцыклапедыя: У 18 т. Т. 15: Следавікі — Трыо — Мн.: Беларуская Энцыклапедыя імя Петруся Броўкі, 2002. — С. 437. — 552 с. — ISBN 985-11-0251-2
  2. ↑ а б БелЭн 2002.
  3. ↑ а б в г БСМ 1998. Памылка шаблона sfn: няма якара: CITEREFБСМ1998 (даведка)
  4. ↑ а б в г д Капков С. В. 2006. Памылка шаблона sfn: няма якара: CITEREFКапков_С._В.2006 (даведка)
  5. ↑ К 225-летию со дня рождения А. С. Пушкина. Вячеслав Тарасов. Иллюстрации к поэме «Руслан и Людмила». 1989 г. // ООО «Мультиурок» (руск.)

Літаратура[правіць | правіць зыходнік]

  • Тара́саў Вячаслаў Аляксеевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 437. — 10 000 экз. — ISBN 985-11-0035-8. — ISBN 985-11-0251-2 (т. 15).
  • Тарасаў Вячаслаў Аляксеевіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б.А.Крэпак і інш.. — Мн.: ВТАА «Кавалер Паблішерс», 1998. — С. 536. — 663 с. — 3 000 экз. — ISBN 985-6427-09-6.
  • Тарасов Вячеслав Алексеевич // Энциклопедия отечественной мультипликации (руск.) / Сост., рук. проекта С. В. Капков; Гл. консультант Г. Н. Бородин; Авт. предисл. Л. Л. Малюкова при участии Н. Я. Венжер; Отв. ред. С. В. Маршков; Авт. обл., худож. В. А. Меламед. — М.: Алгоритм, 2006. — 812 с. — ISBN 5-9265-0319-4.

Спасылкі[правіць | правіць зыходнік]

Узята з "https://be.wikipedia.org/w/index.php?title=Вячаслаў_Аляксеевіч_Тарасаў&oldid=4780846"