Сапейкаў

Вёска Сапейкаў Краіна Беларусь Вобласць Гомельская Раён Акцябрскі Сельсавет Пратасаўскі Каардынаты 52°42′55″ пн. ш. 29°07′36″ у. д. Першая згадка XIX стагоддзе Колькасць двароў 36 Насельніцтва 68 чалавек (2011) Часавы пояс UTC+3 Тэлефонны код +375 2357 Паштовы індэкс 247312 Аўтамабільны код 3 СААТА 3240828081 Сапейкаў на карце Беларусі ±

Сапе́йкаў (трансліт.: Sapiejkaŭ, руск.: Сопейков) — вёска ў Акцябрскім раёне Гомельскай вобласці. Уваходзіць у склад Пратасаўскага сельсавета.

Назва

Назва адыменнага паходжання, вядомы літоўскі антрапонім Sapeikis (з папулярным балцкім антрапанімічным суфіксам -eik-). Недалёка ад Сапейкава да нядаўна былі Бешанкі (на поўначы ад Гадуняў), назва якіх такога ж другаснага паходжання, як і назва Бешанковічы.

Геаграфія

Размяшчэнне

За 24 км на паўночны ўсход ад гарадскога пасёлка Акцябрскі, за 187 км ад Гомеля, за 19 км ад чыгуначнай станцыі Ратміравічы, размешчанай на чыгунцы Бабруйск — Рабкор, адгалінаванні лініі Асіповічы — Жлобін.

Экалогія і прырода

На захадзе і поўдні мяжуе з лесам.

Транспартная сетка

Транспартныя сувязі па прасёлкавай, затым аўтамабільнай дарозе Парычы — Акцябрскі.

Інфармацыя

Планіроўка складаецца з ледзь выгнутай вуліцы, арыентаванай з паўднёвага ўсходу на паўночны захад, да якой на поўначы далучаецца завулак. Забудова двухбаковая, няшчыльная, драўляная, сядзібнага тыпу. у складзе сельскагаспадарчага ДП «Майсееўка» з цэнтрам у аднайменнай вёсцы, малочнатаварная ферма. Крама.

Гісторыя

Па пісьмовых крыніцах вядомая з XIX стагоддзя як вёска ў складзе казённага маёнтка Брожа. Станам на канец 1860-х — пачатак 1870-х гадоў у вёсцы пражывала 76 асоб мужчынскага полу і 71 — жаночага. Пад 1879 годам згадана ў ліку паселішчаў Чэрнінскага царкоўнага прыходу. На 1897 год у вёсцы Сапейкі (яны ж Сапейкава) знаходзіўся хлебазапасны магазін. Станам на 1908 год у Чэрнінскай воласці Бабруйскага павета Мінскай губерні.

На 1925 год у Раманішчаўскім сельсавеце Парыцкага раёна Бабруйскай акругі. У 1930 годзе арганізаваны калгас. Падчас Вялікай Айчыннай вайны у красавіку 1942 года нямецкія акупанты спалілі 16 двароў і забілі 15 жыхароў. 20 жыхароў загінулі на фронце.

Насельніцтва

Колькасць

• 2011 год — 36 двароў, 68 жыхароў.

Дынаміка

• 1897 год — 43 двары, 266 жыхароў (паводле перапісу).
• 1908 год — 54 двары, 309 жыхароў.
• 1925 год — 69 двароў.
• 1940 год — 86 двароў, 340 жыхароў.
• 1959 год — 228 жыхароў (паводле перапісу).
• 1997 год — 47 двароў, 99 жыхароў.
• 2004 год — 45 двароў, 88 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0
• Памяць: Гіст.-дакум. хроніка Акцябрскага р-на. — Мн.: БЕЛТА, 1997. — 478 с. ISBN 985-6302-03-X

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх