Раманішчы

Вёска Раманішчы Краіна Беларусь Вобласць Гомельская Раён Акцябрскі Сельсавет Пратасаўскі Каардынаты 52°44′26″ пн. ш. 29°09′33″ у. д. Першая згадка XIX стагоддзе Колькасць двароў 40 Насельніцтва 66 чалавек (2011) Часавы пояс UTC+3 Тэлефонны код +375 2357 Паштовы індэкс 247311 Аўтамабільны код 3 СААТА 3240828071 Раманішчы на карце Беларусі ±

Раманішчы на Вікісховішчы

Рама́нішчы (трансліт.: Ramaniščy, руск.: Романищи) — вёска ў Акцябрскім раёне Гомельскай вобласці. Уваходзіць у склад Пратасаўскага сельсавета.

Геаграфія

Размяшчэнне

У 30 км на паўночны ўсход ад гарадскога пасёлка Акцябрскі, 173 км ад Гомеля, 17 км ад чыгуначнай станцыі Ратміравічы, размешчанай на чыгунцы Бабруйск — Рабкор, адгалінаванні лініі Асіповічы — Жлобін.

Экалогія і прырода

На захадзе і ўсходзе мяжуе з лесам.

Транспартная сетка

Побач аўтадарога Парычы — Акцябрскі.

Інфармацыя

Планіроўка складаецца з кароткай просталінейнай вуліцы, блізкай да шыротнай арыентацыі, да якой на ўсходзе далучаецца мерыдыянальная вуліца. Забудова аднабаковая, драўляная, сядзібнага тыпу. У складзе сельскагаспадарчага ДП «Майсееўка» з цэнтрам у аднайменнай вёсцы, жывёлагадоўчая ферма. Клуб, крама.

Гісторыя

Па пісьмовых крыніцах вядомая з XIX стагоддзя як вёска ў Чэрнінскай воласці Бабруйскага павета Мінскай губерні. Пад 1879 годам згадана ў ліку паселішчаў Чэрнінскага царкоўнага прыходу. На 1897 год у вёсцы знаходзіўся хлебазапасны магазін. У 1910 годзе ў наёмнай хаце адкрыта школа, а ў 1914 годзе для яе пабудаваны ўласны будынак.

З 20 жніўня 1924 года да 16 ліпеня 1954 года цэнтр Раманішчаўскага сельсавета Парыцкага, з 26 чэрвеня 1939 года Акцябрскага раёнаў. Да 26 ліпеня 1930 года ў складзе Бабруйскай акругі, з 20 лютага 1938 года Палескай, з 20 верасня 1944 года Бабруйскай, з 8 студзеня 1954 года Гомельскай абласцей. У 1929 годзе арганізаваны калгас «Савецкая Беларусь», працавала гамарня. Пачатковая школа ў 1930-я гады ператворана ў сямігадовую. Падчас Вялікай Айчыннай вайны у красавіку 1942 года нямецкія акупанты спалілі 30 двароў і забілі 21 жыхара. 15 жыхароў загінулі на фронце.

Насельніцтва

Колькасць

• 2011 год — 40 двароў, 66 жыхароў.

Дынаміка

• 1897 год — 48 двароў, 335 жыхароў (паводле перапісу).
• 1908 год — 50 двароў, 401 жыхар.
• 1925 год — 75 двароў.
• 1940 год — 83 двары, 330 жыхароў.
• 1959 год — 318 жыхароў (паводле перапісу).
• 1997 год — 58 двароў, 121 жыхар.
• 2004 год — 52 двары, 100 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0
• Памяць: Гіст.-дакум. хроніка Акцябрскага р-на. — Мн.: БЕЛТА, 1997. — 478 с. ISBN 985-6302-03-X

Спасылкі

• На Вікісховішчы ёсць медыяфайлы па тэме Раманішчы