Сцяпная

Сцяпная
Краіна	Беларусь
Вобласць	Віцебская
Раён	Віцебскі
Сельсавет	Янавіцкі
Каардынаты	55°16′42″ пн. ш. 30°42′19″ у. д.HGЯO
Ранейшыя назвы	Ахруткі
Насельніцтва	▼15 чал. (2009);
Часавы пояс	UTC+3
Тэлефонны код	+375 212
Аўтамабільны код	2
СААТА	2212899081

Сцяпна́я^[1] (трансліт.: Sciapnaja, руск.: Степная) (да 30 ліпеня 1964 года Ахру́ткі^[2]) — вёска ў Віцебскім раёне Віцебскай вобласці. Уваходзіць у склад Янавіцкага сельсавета. За 28 км на паўночны ўсход ад Віцебска, 34 км ад чыгуначнай станцыі Віцебск.

Гісторыя[правіць | правіць зыходнік]

У 19 стагоддзі ў складзе маёнтка ў Глазамічы ў Суражскім павеце Віцебскай губерні. Маёмасць памешчыка Фёдара Багдановіча. У 1846 годзе належала малалетнім нашчадкам Фёдара Багдановіча. У пачатку 20 стагоддзя мела 45 дзесяцін зямлі, адносілася да Глазоміцкай сельскай грамады. У сакавіку 1924 года вернута ў склад БССР. З 20 жніўня 1924 года ў Янавіцкім сельсавеце Суражскага раёна Віцебскай акругі (да 26 ліпеня 1930 года). Вясковыя дзеці наведвалі працоўную школу 1-й ступені ў вёсцы Глазамічы, у якой у 1924 годзе навучаліся 11 вучняў. З 20 лютага 1938 года ў Віцебскай вобласці. У Другую сусветную вайну гітлераўскія акупанты спалілі 14 двароў, забілі 1 жыхара, 2 вяскоўцаў загінулі на франтах вайны. Пасля вайны вёска адбудавалася. З 20 студзеня 1960 года ў Віцебскім раёне. З 22 снежня 1960 года ў Янавіцкім пасялковым савеце Віцебскага, з 25 снежня 1962 года Лёзненскага раёнаў. З 2 жніўня 1966 года зноў у Віцебскім раёне. У 2000 годзе знаходзілася ў складзе калгаса імя Суворава (цэнтр — вёска Глазамічы).

Насельніцтва[правіць | правіць зыходнік]

29 рэвізскі душ (1834)
3 двары, 24 жыхары (1846)
8 двароў, 41 жыхар (1905)
22 двары, 42 жыхары (1941)
16 двароў, 37 жыхароў (1969)
17 гаспадарак (2000)
9 гаспадарак, 16 жыхароў (2018)

Зноскі

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
↑ Указ Прэзідыума Вярхоўнага Савета Беларускай ССР Аб перайменаванні некаторых населеных пунктаў Беларускай ССР ад 30 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 23 (1063).

Літаратура[правіць | правіць зыходнік]

Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі[правіць | правіць зыходнік]

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

[2] Указ Прэзідыума Вярхоўнага Савета Беларускай ССР Аб перайменаванні некаторых населеных пунктаў Беларускай ССР ад 30 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 23 (1063).

[1]

[2]

Янавіцкі сельсавет
Цэнтр	Янавічы
Вёскі	Валькі Востраў Глазамічы Дружная Задзетуні Іменне Казімірова Лёпіна Панкі Півавары Пукшына Сёміна Слабада Сцяпная Чыжыкі Шпуры