Віктар Георгіевіч Сцянько

Віктар Георгіевіч Сцянько
Дата нараджэння	21 чэрвеня 1949(1949-06-21) (74 гады)
Месца нараджэння	Пліса 2, Зенявіцкі сельсавет, Любчанскі раён, Баранавіцкая вобласць, БССР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	хірургія
Месца працы	БелНДІ анкалогіі і медыцынскай радыялогіі[d] ГрДМУ Курскі медыцынскі інстытут БІП — Інстытут правазнаўства
Навуковая ступень	доктар медыцынскіх навук (1990)
Навуковае званне	прафесар (1992)
Альма-матар	Гродзенскі медыцынскі інстытут (1976)
Узнагароды

Віктар Георгіевіч Сцянько́ (нар. 21 чэрвеня 1949 — вучоны ў галіне хірургіі, доктар медыцынскіх навук (1990), прафесар (1992).

Біяграфія

Нарадзіўся ў вёсцы Пліса 2 Навагрудскага раёна Гродзенскай вобласці Беларусі. У 1968—1970 гадах праходзіў службу ў Савецкай Арміі. У 1976 годзе скончыў Гродзенскі медыцынскі інстытут. У 1977—1978 гадах працаваў хірургам у раённай бальніцы. Клінічны ардынатар кафедры шпітальнай хірургіі Курскага медыцынскага інстытута ў 1978—1980 гадах. У 1983 годзе скончыў аспірантуру пры кафедры шпітальнай хірургіі 1-га Маскоўскага медыцынскага інстытута. У 1983—1985 гадах працаваў малодшым навуковым супрацоўнікам у аддзяленні таракальнай хірургіі Навукова-даследчага інстытута анкалогіі Міністэрства аховы здароўя БССР.

З 1985 года Віктар Георгіевіч Сцянько ў Гродзенскім медыцынскім інстытуце: асістэнт (1985—1988, 1990—1991), прафесар (1991—1998), загадчык кафедры факультэцкай хірургіі (1998—1999), загадчык кафедры хірургічных хвароб № 2 з курсам уралогіі (2000—2004). У 1988—1990 гадах дактарант НДІ лазернай хірургіі Міністэрства аховы здароўя СССР. У 1989 годзе абараніў доктарскую дысертацыю. З 2005 года В. Г. Сянько прафесар кафедры псіхалогіі, з 2011 года прафесар кафедры крымінальнага права, працэса і крыміналогіі Беларускага інстытута правазнаўства.

Навуковая дзейнасць

В. Г. Сянько належаць працы па дыягностыцы і хірургічнаму лячэнню ранніх формаў рака страўніка, прымяненню лазераў у хірургіі анарэктальнай вобласці. Аўтар і сааўтар больш за 170 навуковых прац, двух манаграфій, вынаходстваў, рацыяналізатарскіх прапаноў, вучэбных дапаможнікаў, метадычных рэкамендацый, тыпавых вучэбных праграм. Упершыню ў Беларусі ўкараніў аперацыі з выкарыстаннем высокаэнергетычных лазераў, а таксама лячэнне гнойных ран метадам фотадынамічнай тэрапіі.

Сярод апублікаваных прац:

• Применение лазеров в хирургии аноректальной области — М., 1991 (у сааўтарстве);
• Стенько В. Г., Вешнякова Е. А. Желудочно-тонко-толстокишечный свищ, развившийся после резекции желудка по поводу осложнённой язвы 12-перстной кишки // Журнал Гродненского государственного медицинского университета, № 3(3) (2003);
• Стенько В. Г., Гаврилик Б. Л., Минюк Е. А., Клименко Н. Ф. Травматический разрыв двенадцатиперстной кишки // Журнал Гродненского государственного медицинского университета, № 2(6) (2004);
• Стенько В. Г., Исаков Г. А., Петров П. Т., Колешко С. В., Лис Р. Е. Первый опыт лечения гнойных ран методом фотодинамической терапии // Журнал Гродненского государственного медицинского университета, № 4(16) (2006);
• Стенько В. Г., Страпко В. П. Резекция левой доли печени по поводу множественных абсцессов, осложнённых распространгённым перитонитом // Журнал Гродненского государственного медицинского университета, № 3(7) (2004);
• Мариева И. Г. Особеннрости восприятия родителей детьми из неполных семей и формы его психолого-педагогической коррекции / И. Г. Мариева, В. Г. Сенько // Актуальні проблеми практичноіі психологіі. Збірник навукових праць. — Херсон, 2012. — С. 341—247.

Узнагароды

Узнагароджаны сярэбраны медалём ВДНГ СССР (1989) за новы метад лячэння гнойных ран з выкарыстаннем лазераў і імабілізаваных ферментаў. За ўнесены ўклад у развіццё лазернай медыцыны ў 1998 годзе абраны акадэмікам Лазернай акадэміі навук Расійскай Федэрацыі.

Літаратура

• Сцянько́ Віктар Георгіевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 317. — 10 000 экз. — ISBN 985-11-0035-8. — ISBN 985-11-0251-2 (т. 15).
• Гарелик, П. В. 50 лет Гродненскому государственному медицинскому университету: события и биографии / П. В. Гарелик, Е. М. Тищенко. — Гродно, 2008. — С. 495. (руск.)

Спасылкі

• Здравоохранение Беларуси. Знаменательные и юбилейные даты. 2009 год — С. 87. (руск.)
• Сотрудники кафедры уголовного права, процесса и криминологии // Гродненский филиал Учреждения образования «БИП — Университет права и социально-информационных технологий» (руск.)
• База патентов Беларуси (руск.)
• Банк патентов РФ на изобретения и промышленные образцы ФИПС Роспатента (руск.)