Гатушкі

Вёска Гатушкі Краіна Беларусь Вобласць Віцебская Раён Віцебскі Сельсавет Бабініцкі Каардынаты 55°16′13″ пн. ш. 30°17′00″ у. д. Плошча 0,129754 км² Насельніцтва ▲10 чал. (2009) Часавы пояс UTC+3 Тэлефонны код +375 212 Аўтамабільны код 2 СААТА 2212806041 Гатушкі на карце Беларусі ±

Гатушкі на Вікісховішчы

Гату́шкі (трансліт.: Hatuški, руск.: Гатушки) — вёска ў Віцебскім раёне Віцебскай вобласці. Уваходзіць у склад Бабініцкага сельсавета. Плошча 12,9754 га. За 4 км на поўнач ад Віцебска, 2 км ад чыгуначнай станцыі Прыдзвінская на лініі Лучоса — Прыдзвінская.

Гісторыя

У 18 стагоддзі вёска Гатушкі ў Віцебскім ваяводстве ВКЛ. Пасля 1-га падзелу Рэчы Паспалітай у складзе Расійскай імперыі, у Віцебскім павеце Пскоўскай, з 1776 года Полацкай губерні. З 1796 года ў Беларускай, з 1802 года ў Віцебскай губерні. У 19 стагоддзі вёска ў Бабініцкай воласці Віцебскага павета Віцебскай губерні. У 1877 годзе Савіцкія валодалі тут 40 дзесяцінамі зямлі. У пачатку 20 стагоддзя вёска (86 дзесяцін зямлі) адносілася да вясковай сельскай грамады. У сакавіку 1924 года вернута ў склад БССР. З 20 жніўня 1924 года вёска ў Ялагаўскім сельсавеце Віцебскага раёна Віцебскай акругі (да 26 ліпеня 1930 года). Вясковыя дзеці наведвалі працоўную школу 1-й ступені за 1 км у вёсцы Ананіна. У 1930 годзе вёскоўцы ўвайшлі ў калгас «Барацьбіт», у якім працавала кузня. З 20 лютага 1938 года ў Віцебскай вобласці. У Другую сусветную вайну з сярэдзіны ліпеня 1941 года да канца чэрвеня 1944 года знаходзілася пад нацысцкай акупацыяй. З 16 красавіка 1954 года ў Бабініцкім сельсавеце.

Насельніцтва

• 9 двароў, 37 жыхароў (1783-85)
• 5 двароў, 36 жыхароў (1905)
• 9 гаспадарак, 15 жыхароў (1996)
• 6 гаспадарак, 8 жыхароў (2018)

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

• На Вікісховішчы ёсць медыяфайлы па тэме Гатушкі