Георгій Пятровіч Саснін

Георгій Пятровіч Саснін
Георгій Пятровіч Саснін
	руск.: Георгий Петрович Соснин
Дата нараджэння	7 лютага 1916
Месца нараджэння	Зюльзя[d], Нерчынскі павет[d], Забайкальская вобласць, Іркуцкае генерал-губернатарства[d], Расійская імперыя;
Дата смерці	19 верасня 1999 (83 гады)
Грамадзянства	СССР; Беларусь;
Род дзейнасці	урач, навуковец
Навуковая сфера	стаматалогія
Месца працы	Маскоўскі дзяржаўны медыка-стаматалагічны ўніверсітэт[d]; Кіеўскі медыцынскі інстытут; Варонежскі дзяржаўны медыцынскі ўніверсітэт імя М. Н. Бурдэнкі[d]; БДМУ; Інстытут стаматалогіі і сківічна-тварнай хірургіі НАМН Украіны[d];
Навуковая ступень	доктар медыцынскіх навук (1971)
Навуковае званне	прафесар;
Альма-матар	Маскоўскі дзяржаўны медыка-стаматалагічны ўніверсітэт[d];
Узнагароды

Георгій Пятровіч Сасні́н^[1] (руск.: Георгий Петрович Соснин; 7 лютага 1916 — 19 верасня 1999) — урач, вучоны ў галіне стаматалогіі, доктар медыцынскіх навук (1971), прафесар (1972).

Біяграфія[правіць | правіць зыходнік]

Нарадзіўся ў сяле Зюльзя (Нерчынскі раён, Чыцінская вобласць Расіі). У 1933^[2] годзе скончыў школу і да 1935 года працаваў тэхнікам-нарміроўшчыкам на камбінаце «Дарсун-золата». У 1935—1938 гадах вучыўся на рабфаку Маскоўскага энергетычнага інстытута. У 1938 годзе паступіў у Маскоўскі медыцынскі стаматалагічны інстытут, які скончыў у 1941 годзе. У 1941—1942 гадах клінічны ардынатар Цэнтральнай клінічнай бальніцы Народнага камісарыята шляхоў зносін СССР^[3] у Маскве. У жніўні 1942 года добраахвотнікам пайшоў на фронт^[3]. Займаў пасаду начальніка хірургічнага аддзялення эвакашпіталя на Сталінградскім фронце^[2]. У 1943—1944 гадах — ардынатар сківічна-тваравага аддзялення нейрахірургічнага шпіталя на 4-м Украінскім фронце, у 1944—1946 гадах — начальнік сківічна-тваравага аддзялення Галоўнага ваеннага шпіталя Войска Польскага^[2]. Звольнены ў запас 30 красавіка 1946 года ў званні маёра медыцынскай службы^[4].

З 1946 года Г. П. Саснін у Маскоўскім медыцынскім стаматалагічным інстытуце. Да 1949 года клінічны ардынатар кафедры артапедычнай стаматалогіі, у 1949—1951 гадах — загадчык лабараторыі матэрыялазнаўства, у 1951—1953 — асістэнт кафедры артапедычнай стаматалогіі. У 1953 годзе абараніў кандыдацкую дысертацыю^[2]. У 1953—1955 гадах Г. П. Саснін працаваў саветнікам галоўнага ўрача ўрадавай бальніцы ў Пхеньяне (Паўночная Карэя)^[2]. У 1955—1957 гадах дацэнт кафедры артапедычнай стаматалогіі Кіеўскага медыцынскага інстытута, у 1957—1961 гадах загадчык кафедры артапедычным аддзяленнем Украінскага навукова-даследчага інстытута стаматалогіі ў горадзе Адэса, у 1961—1971 гадах — загадчык кафедры артапедычнай стаматалогіі Варонежскага медыцынскага інстытута^[2].

З 1981 года Г. П. Саснін у Мінскім медыцынскім інстытуце. У 1971—1988 гадах загадваў кафедрай артапедычнай стаматалогіі, з 1988 года яе прафесар.

Навуковая і грамадская дзейнасць[правіць | правіць зыходнік]

Г. П. Сасніну належаць навуковыя працы па праблемах тэрапеўтычнай і артапедычнай стаматалогіі. Займаўся пытаннямі комплекснага лячэнні парадантыту. Распрацаваў метад лячэння вірусных, грыбковых і нейрагенных захворванняў у стаматалогіі.

Аўтар і сааўтар больш за 170 навуковых прац, у тым ліку манаграфій, 10 вынаходстваў^[2]. Кіраваў падрыхтоўкай доктарскай і 20 кандыдацкіх дысертацый^[2].

Старшыня праўлення Рэспубліканскага навуковага таварыства стаматолагаў у 1972—1990 гадах, Быў членам прэзідыума Усесаюзнага таварыства стаматолагаў, савета па стаматалогіі Акадэміі медыцынскіх навук СССР, Вучонага медыцынскага савета Міністэрства аховы здароўя БССР, рэдакцыйнай калегіі часопіса «Здравоохранение Белоруссии».

Узнагароды[правіць | правіць зыходнік]

Узнагароджаны пяццю ордэнамі, медалямі, у тым ліку ўзнагародамі замежных дзяржаў^[2].

Зноскі

↑ БелЭн 2002.
↑ ^а ^б ^в ^г ^д ^е ^ё ^ж ^з Соснин Георгий Петрович Архівавана 22 жніўня 2021. (руск.) // Сайт БДМУ
↑ ^а ^б Музейный комплекс «Дорога памяти» Архівавана 22 жніўня 2021. (руск.)
↑ Память народа — электронный банк документов периода Великой Отечественной войны Архівавана 22 жніўня 2021. (руск.)

Літаратура[правіць | правіць зыходнік]

Саснін Георгій Пятровіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 190. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі[правіць | правіць зыходнік]

Саснін Георгій Пятровіч на сайце анлайн-энцыклапедыі «Беларусь у асобах і падзеях»
Соснин Георгий Петрович Архівавана 22 жніўня 2021. (руск.) // Сайт БДМУ
Посвящается 90-летию со дня рождения профессора. // Стоматолоический журнал, март 2006, с. 71—72. (руск.)
Память народа — электронный банк документов периода Великой Отечественной войны Архівавана 22 жніўня 2021. (руск.)
Музейный комплекс «Дорога памяти» Архівавана 22 жніўня 2021. (руск.)
Банк патентов РФ на изобретения и промышленные образцы ФИПС Роспатента (руск.)

[FOOTNOTEБелЭн2002-1] БелЭн 2002.

[БДМУ-2] а ^б ^в ^г ^д ^е ^ё ^ж ^з Соснин Георгий Петрович Архівавана 22 жніўня 2021. (руск.) // Сайт БДМУ

[ДП-3] а ^б Музейный комплекс «Дорога памяти» Архівавана 22 жніўня 2021. (руск.)

[памяць-4] Память народа — электронный банк документов периода Великой Отечественной войны Архівавана 22 жніўня 2021. (руск.)

[1]

[2]

[3]

[4]