Герб Драгічына

Герб Драгічына
Дэталі
Зацверджаны	9 чэрвеня 1998 года
Шчыт	варажскі
Заснаванне	9 чэрвеня 1998
Аўтар герба	В. Г. Міхнюк

Герб Драгічына — адзін з афіцыйных сімвалаў горада Драгічына, раённага цэнтра ў Брэсцкай вобласці Беларусі. Распрацаваны галоўным архітэктарам раёна В. Г. Міхнюком.

Герб зацверджаны 19 мая 1998 года рашэннем Драгічынскага гарадскога савета № 310.

9 чэрвеня 1998 года герб занесены ў Гербавы матрыкул Рэспублікі Беларусь пад нумарам 15.

Апісанне герба

У блакітным полі варажскага шчыта, у верхняй частцы размешчаны два сярэбраныя галубы, павернутыя галовамі адзін да аднаго. Пад імі сярэбраны нацягнуты лук са стралой наканечнікам уверх. З абодвух бакоў лука размешчаныя дзве пары сярэбраных жалудоў.

Сімволіка герба

• Галубы ўвасабляюць Грамніцы (Стрэчанне), у горадзе некалі існавала царква ў гонар Стрэчання Гасподняга.
• Нацягнуты лук (як элемент гербаў Брэста і Пінска) паказвае на прыналежнасць да Брэсцкай вобласці і гістарычнай Піншчыны.
• Жалуды сімвалізуюць некалі размешчаныя на месцы Драгічына векавыя дубровы.

Гісторыя

Вонкавыя выявы
	Праект герба Драгічына (1868 год)

Вядомы незацверджаны праект герба Драгічына, калі горад уваходзіў у Кобрынскі павет Гродзенскай губерні. Праект герба быў састаўлены ў другой палове XIX стагоддзя (1868) і меў наступны выгляд: у сярэбраным полі лазурковы хвалісты пояс, які суправаджаецца зверху і знізу барвовымі шарамі. У вольнай частцы герб Гродзенскай губерні.

Літаратура

• Рассадзін С. Я., Міхальчанка А. М. Гербы і сцягі гарадоў і раёнаў Беларусі.. — Мн.: Беларусь, 2005. — 128 с.

Спасылкі

• Сімволіка г. Драгічына Архівавана 21 студзеня 2013. // сайт Драгічынскага раённага выканаўчага камітэта.
• Герб Драгічына // сайт «Геральдика.by».
• Герб Драгічына // сайт «Геральдикум».
• Герб горада Драгічына.