Горад Бары

Бары Bari Сцяг Герб Краіна Італія Каардынаты 41°08′00″ пн. ш. 16°52′00″ у. д. Плошча 116 км² Вышыня цэнтра 1 м Насельніцтва 325 000 чалавек (2009) Шчыльнасць 2801 чал./км² Часавы пояс UTC+1, летам UTC+2 Тэлефонны код 080 Паштовы індэкс 70100 Афіцыйны сайт comune.bari.it (італ.)  Бары на карце Італіі

Бары на Вікісховішчы

Бары (італ.: Bari) — горад-порт у Італіі, сталіца рэгіёну Апуліі, адміністрацыйны цэнтр аднайменнай правінцыі.

Заступнікам горада лічыцца Свяціцель Мікалай Цудатворац (San Nicola). Свята горада 9 мая.

Заснаваны старажытнымі рымлянамі.

Насельніцтва

Насельніцтва Бары ў 2009 годзе склала 325000 чалавек. Насельніцтва горада застаецца прыкладна на адным узроўні з 1970 года. У апошні час з 2002 года насельніцтва пачало паступова павялічвацца.

Сярэдні ўзрост жыхароў Бары 42 гады. У горадзе дзяцей да 18 гадоў прыкладна пароўну з лікам пенсіянераў. Узровень нараджальнасці складае 8,67 чалавек на 1000 жыхароў.

Нацыянальны склад: італьянцы 96 %, албанцы 2 %, грэкі 0,5 %, імігранты з Афрыкі каля 1 %.

Эканоміка

Замак Штаўфэнаў

Горад з'яўляецца другім па значэнні эканамічным цэнтрам Паўднёвай Італіі (пасля Неапаля), хоць значных прамысловых вытворчасцей не мае.

Аснова эканомікі - гандаль, транспарт, турызм. Рэгіён Апулія з'яўляецца адным з асноўных агравытворцаў Італіі, які пастаўляе прадукты на ўнутраны рынак і на экспарт. Асноўныя тавары - алівы і аліўкавы алей, вінаград, віно. Добра развіта рыбалоўства.

У горадзе знаходзіцца адзін з галоўных партоў Італіі, які злучае яе з паромнымі пераправамі Харватыі (Дуброўнік), Грэцыі (Корфу, Ігуменіца, Патрас), Чарнагорыі (Бар) і Албаніі (Дурэс).

У Бары знаходзіцца буйны міжнародны аэрапорт Бары Палезэ. Авіярэйсы выконваюцца ў буйныя гарады Італіі (Рым, Мілан, Венецыя, Палерма, Балоння), а таксама ў Лондан, Парыж, Штутгарт і іншыя гарады.

Гл. таксама

• Замак Бары

Літаратура

• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — 480 с. іл.