Група савецкіх ваенных спецыялістаў у Мазамбіку

Група савецкіх ваенных спецыялістаў у Мазамбіку
Гады існавання	1975—1991
Краіна	СССР
Тып	група ваенных саветнікаў і ваенспецаў
Дыслакацыя	Мазамбік
Войны	Грамадзянская вайна ў Мазамбіку

Група савецкіх ваенных спецыялістаў у Мазамбіку — кантынгент савецкіх вайскоўцаў у Мазамбіку, якія аказвалі падтрымку ў ваенным будаўніцтве і грамадзянскай вайне 1976—1992 гадоў.

Ваенныя саветнікі і ваенспецы былі размешчаны ў краіне пасля здабыцця незалежнасці ад Партугаліі. Мазамбікская армія забяспечвалася савецкім узбраеннем, дапамогу ў засваенні якога аказвалі кадравыя вайскоўцы УС СССР. Замежнікі таксама працавалі ў ваенна-навучальных установах. Акрамя прамых абавязкаў — выкладчыцкай працы, многія з іх выконвалі работу няштатных саветнікаў і спецыялістаў, перадаючы мазамбікскім афіцэрам вопыт арганізацыі службы войск, арганізацыі і правядзенні палітыка-выхаваўчай работы з падначаленымі.

Савецкія ваенныя саветнікі і спецыялісты правялі вялікую работу па ўладкаванню ўзброеных сіл краіны, арганізаваўшы цэнтры па мабілізацыі і прызыву, пагранічную ахову, службу войск, баявую падрыхтоўку, матэрыяльна-тэхнічнае забеспячэнне, распрацаваўшы арганізацыйна-штатныя структуры. Аднак пры гэтым яны сутыкаліся з шэрагам цяжкасцей, пакутавалі ад умоў гарачага і вільготнага афрыканскага клімату, многі перахварэлі на трапічную малярыю. Час ад часу яны прымалі ўдзел у баявых дзеяннях, хоць гэта не прадугледжвалася двухбаковымі пагадненнямі аб ваенным супрацоўніцтве. Пры выкананні службовых абавязкаў шэсць савецкіх вайскоўцаў загінулі, адзін сканаў ад ранення і яшчэ адзін ад хваробы.