Джайпур

Горад Джайпур Jaipur, जयपुर Краіна Індыя Каардынаты 26°09′ пн. ш. 75°08′ у. д. Кіраўнік Ashok Parnami[d] Заснаваны 1727 Плошча 645 км² Вышыня цэнтра 431 м Насельніцтва 6663971 чалавек (2011) Шчыльнасць 3978 чал./км² Нацыянальны склад раджастханцы Часавы пояс UTC+5:30 Тэлефонны код +91-141 Паштовыя індэксы 302001 Аўтамабільны код RJ-14 Афіцыйны сайт jaipur.rajasthan.gov.in Джайпур на карце Індыі

Медыяфайлы на Вікісховішчы

Джайпур (англ.: Jaipur, раджастхані: जयपुर) — горад на захадзе Індыі, сталіца штата Раджастхан. Насельніцтва (2011 г.) — 6 663 971 чал.

Гісторыя

Джайпур быў заснаваны ў 1727 г. раджам Дхундхарам Савам Джай Сінгхам II, гаспадаром Амберскай дзяржавы. Горад загадзя праектаваўся бенгальскім архітэктарам Від’ядхарам Бхатачар’ям (1693—1751 гг.) згодна прынцыпам тагачасных матэматыкі і астралогіі. У пабудове гарадскога палаца дапамогу аказваў брытанскі ваенны інжынер С. С. Джэкаб. Цэнтральная частка ўзводзілася з ружовага пясчаніка і фарбавалася ў ружовы колер, з-за што атрымала назву «ружовага горада».

У XIX ст. планавае будаўніцтва актыўна працягвалася. З гэтай мэтай у 1868 г. была адчынена спецыяльная школа мастацтваў. Акрамя таго, у Джайпуры працавала дзве іншыя вышэйшыя школы — вывучэння санскрыта і для жанчын.

У 1949 г. Джайпур стаў афіцыйнай сталіцай Раджастхана.

Эканоміка

Прамысловасць Джайпура спецыялізавана на перапрацоўцы бавоўны, натуральнай скуры, драўніны, вытворчасці тканін, вопраткі, абутку, мэблі і г. д. За 6 км ад горада пабудаваны экспартны парк, які ўключае некалькі прамысловых зон і зону развіцця IT. Важную ролю ў эканомікцы адыгрывае турызм. Згодна выданню Condé Nast Traveller, гэта сёмы па прывабнасці для падарожнікаў горад Азіі.

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).

Спасылкі

• Афіцыйны сайт
• Джайпур — ружовы горад