Зінаіда Ігнатаўна Канапелька

Зінаіда Ігнатаўна Канапелька
Зінаіда Ігнатаўна Канапелька
Дата нараджэння	25 снежня 1918
Месца нараджэння	Багушэўск, Сенненскі павет, Магілёўская губерня, Заходняя вобласць, РСФСР[d];
Дата смерці	27 мая 1997 (78 гадоў)
Месца смерці	Віцебск, Віцебская вобласць, Беларусь;
Месца пахавання	Мазурынскія могілкі[d];
Грамадзянства	СССР; Беларусь;
Прафесія	актрыса
Тэатр	Нацыянальны акадэмічны драматычны тэатр імя Якуба Коласа;
Узнагароды	; Ганаровы грамадзянін горада Віцебска Крыштальная Паўлінка (1994)

Зінаіда Ігнатаўна Канапелька (25 снежня 1918, г.п.Багушэўск — 27 мая 1997, Віцебск) — беларуская актрыса. Народная артыстка БССР (1972).

Біяграфія

2 красавіка 1934 г. паступіла ў студыю Беларускага тэатра імя Якуба Коласа. Упершыню на прафесійнай сцэне выступіла ў тым жа 1934 г., калі ў спектаклі «Цудоўны сплаў» У. Кіршона сыграла ў масоўцы. З 1936 па 1997 год працавала ў Беларускім нацыянальным драматычным акадэмічным тэатры імя Якуба Коласа. Яшчэ ў студыйныя часы рэжысёр Малчанаў пачаў з Зінаідай Канапелькай працаваць над роляй Паўлінкі паводле аднайменнай п’есы Янкі Купалы.

Зінаіда Ігнатаўна ўспамінала пра сустрэчу з Янкам Купалы пад час гастроляў у Мінску:

— Я вельмі хвалявалася, ідучы да Янкі Купалы. — Сустрэлі мяне на дзіва проста і гасцінна. Малчанаў расказваў, што працуе са мною над роляй Паўлінкі. Цётка Уладзя глядзела на мяне вельмі ласкава, а Янка Купала сказаў: "Цудоўная дзяўчына, жадаю табе сыграць гэту ролю на сцэне". Сустрэча з такім чалавекам, такім знакамітым паэтам стала для мяне сапраўднай падзеяй^[1]

.

Ролі ў тэатры

Насця («Несцерка» В. Вольскага)
Маўра («Праўда і крыўда» М. Стэльмаха)
Ганерылля («Кароль Лір» У. Шэкспіра)
Галя («Алазанская даліна» К. Губарэвіча)
Насця Вярбіцкая («Пяюць жаваранкі» К. Крапівы)
Лявоніха («Лявоніха» П. Данілава)
Паліна («Трыбунал» А. Макаёнка)
Параша («Гарачае сэрца» А. Астроўскага)
Наташа («Тры сястры» А. Чэхава)

Фільмаграфія

1943 Жыві, родная Беларусь!: нявеста

Узнагароды

ордэн «Знак Пашаны»
медаль «За працоўную адзнаку» (25.02.1955)
медаль Францыска Скарыны (1996)
Народная артыстка Беларускай ССР (1972)
Прыз «Крыштальная Паўлінка» (1994)

Зноскі

↑ Лазука, I. Яе вялiкасць актрыса / І. Лазука // Голас Сенненшчыны. – 1999.– 27 лiп.– С. 2, 3.

Літаратура

Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
Канапе́лька Зінаіда Ігнатаўна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 366. — 800 с. — 5 000 экз. — ISBN 985-11-0026-9.
Гаробчанка, Т. Я. Зiнаiда Канапелька / Т. Я. Гаробчанка. — Мн., 1999. — 144 с.
Дашкевіч, С. Жывая песня Канапелькі / С. Дашкевіч // Культура. — 2004. — 10-16 студз. — С. 10.
Дашкевіч, С. «На ўсё жыццё запалены касцёр…» / С. Дашкевіч // Витьбичи. — 2004. — 13 янв. — С. 7
Канапелька Зінаіда Ігнатаўна // Памяць: гісторыка-дакументальная хроніка Сенненскага раёна / уклад. С. В. Шайко; мастак Э. Э. Жакевіч. — Мн., 2003. — С. 550.
Канапелька Зінаіда Ігнатаўна // Тэатральная Беларусь : энцыклапедыя : у 2 т. / рэдкал.: Г. П. Пашкоў [і інш.]. — Мн., 2003. — Т. 2. — С. 485—486.
Лазука, I. Яе вялiкасць актрыса / І. Лазука // Голас Сенненшчыны. — 1999. — 27 лiп. — С. 2, 3.
Русецкі, А. Дуэт роднасных душ / А. Русецкі // Вiцебскі рабочы. — 2005. — 27 снеж. — С. 4.

[0-1] Лазука, I. Яе вялiкасць актрыса / І. Лазука // Голас Сенненшчыны. – 1999.– 27 лiп.– С. 2, 3.

[1]