Манумент Перамогі ў Вызваленчай вайне

Манумент
Калона Перамогі ў вайне за незалежнасць
эст.: Vabadussõja võidusammas
Калона Перамогі і Царква Святога Яна
59°26′02,59″ пн. ш. 24°44′36,18″ у. д.
Краіна	Эстонія
Места	Талін
Дата заснавання	23 чэрвеня 2009
Статус	ахоўваецца дзяржавай
Стан	дзейны
Сайт	vabadusemonument.ee
Медыяфайлы на Вікісховішчы

Кало́на Перамо́гі ў Вызваленчай вайне (эст.: Vabadussõja võidusammas) размешчаная на плошчы Свабоды ў Таліне (Эстонія). Адкрыццё мемарыяла, прысвечанага памяці загінуўшых у вайне за незалежнасць, адбылося 23 чэрвеня 2009.

Апісанне

Помнік уяўляе сабой бетонную калону вышынёй 23,5 м, пакрытую 143 шклянымі плітамі са святлодыёдным падсвятленнем.

Помнік выкананы ў форме Крыжа Свабоды II класы I ступені. Гэта найвышэйшая ўзнагарода за асабістую адвагу за час існавання ў 1919—1925 гадах аніводнага разу не была ўручана ніводнай асобе.

Гісторыя

Ідэя стварэння манументу з'явілася яшчэ ў 1919 годзе, у канцы вайны. За перыяд 1918—1920 загінулі 3588 чалавек, 13 774 эстонцаў былі паранены.

У 1936 быў прыняты закон, што прадугледжваў усталяванне нацыянальнага манументу, аднак падрыхтоўчыя працы былі перарваны Другой сусветнай вайной, за якой прыйшла савецкая акупацыя.

Усталяванне калоны

Па здабыцці незалежнасці ў 1991 годзе пытанне пра ўсталяванне помніка загінуўшым у вайне 1918—1920 паўстала ізноў. Увесну 2005 Рыйгікогу прыняў пастанову аб тым, што помнік будзе ўсталяваны на талінскай плошчы Свабоды. На конкурсе, у якім узялі ўдзел больш за 40 праектаў, перамагла праца «Лібертас» Райнера Штэрнфельда, Андры Лайдрэ, Кадры Кігі і Анта Саві.

Гл. таксама

• Крыж Свабоды
• Вайна за незалежнасць Эстоніі

Спасылкі

• На Вікісховішчы ёсць медыяфайлы па тэме Манумент Перамогі ў Вызваленчай вайне
• Афіцыйная старонка (эст.)