Леў Барысавіч Алімаў

Леў Барысавіч Алімаў
На адкрыцці Біеннале беларускага выяўленчага мастацтва 27.11.2014
Дата нараджэння	26 лістапада 1945(1945-11-26) (76 гадоў)
Месца нараджэння	Брэст, Брэсцкая вобласць, БССР, СССР
Род дзейнасці	мастак
Вучоба	Маскоўскае дзяржаўнае акадэмічнае мастацкае вучылішча памяці 1905 года[d]
Узнагароды
Працы на Вікісховішчы

Леў Барысавіч Алімаў (26 лістапада 1945, Брэст) — беларускі мастак-графік, кніжны ілюстратар.

Біяграфія

Нарадзіўся ў г. Брэсце (Беларусь). Скончыў Маскоўскае мастацкае вучылішча памяці 1905 года (1970). Працуе ў станковай і кніжнай графіцы. У мастацкіх выставах бярэ ўдзел з 1970.

Удзельнік больш за 100 міжнародных конкурсных выстаў графічнага мастацтва ў Бельгіі, Балгарыі, Вялікабрытаніі, Германіі, Іспаніі, Італіі, Нідэрландах, Польшчы, Расіі, ЗША, на Украіне, у Францыі, у Швецыі, Швейцарыі, Японіі, Эстоніі, Літве, Нарвегіі, Бразіліі. Лаўрэат міжнародных конкурсных выстаў графічнага мастацтва. Правёў 6 персанальных выстаў на Беларусі, у Расіі, Германіі і ЗША.

Акадэмік графікі Беларускай Акадэміі выяўленчых мастацтваў (1995). Міжнародны біяграфічны цэнтр (г. Кембрыдж, Вялікабрытанія) назваў яго «Чалавекам Года»^{[Крыніца?]}, узнагародзіўшы медалем «За дасягненні ў XX стагоддзі». Творы знаходзяцца ў музеях і карцінных галерэях Беларусі, Расіі, ЗША, Іспаніі, Нідэрландаў, Францыі, Японіі, Швейцарыі, Балгарыі, Польшчы, Англіі, Украіны, Германіі, Італіі. Узнагароджаны медалем БСМ «За заслугі ў выяўленчым мастацтве» і медалем Францыска Скарыны (2009). Член БСМ з 1989. Жыве ў Брэсце.

8 кастрычніка 2015 года Льву Алімаву было прысвоена ганаровае званне Заслужаны дзеяч мастацтваў Рэспублікі Беларусь

• 

  Валерый Славук і Леў Алімаў у дзень атрымання ганаровых званняў Заслужаных дзеячаў мастацтва Беларусі. 8 кастрычніка 2015 года, «Восеньскі салон» з Белгазпрамбанкам

• 

  Палац мастацтва, 8 кастрычніка 2015 года, «Восеньскі салон» з Белгазпрамбанкам

Гл. таксама

• Мастакі Брэстчыны