Лхаса

Лхаса
кіт.: 拉萨 тыб.: ལྷ་ས་
Краіна	Кітай
Уваходзіць у	Тыбецкі аўтаномны раён
Дата ўтварэння	633
Насельніцтва	▼867 891 чал. (2020)
Плошча	29 634,01 км²
Вышыня над узроўнем мора	3 650 м
Часавы пояс	UTC+8
Тэлефонны код	891
Паштовыя індэксы	850000
Афіцыйны сайт (кіт.) Афіцыйны сайт (англ.) Афіцыйны сайт (тыб.)
Медыяфайлы на Вікісховішчы

Лхаса

Вуліца Лхасы

Лхаса — гарадская акруга ў Тыбецкім аўтаномным раёне КНР, адміністрацыйны цэнтр аўтаномнага раёна. Тое, што часта называюць «горадам Лхаса» (гістарычная сталіца Тыбета) — гэта сучасны раён Чэнгуань гарадской акругі Лхаса. Лхаса з’яўляецца таксама традыцыйнай рэзідэнцыяй Далай-ламы. Літаральна ў перакладзе з тыбецкай «Лхаса» азначае «месца багоў».

Адміністрацыйна-тэрытарыяльны падзел

Адміністрацыйны падзел Лхасы

Гарадская акруга Лхаса дзеліцца на 1 раён, 7 паветаў:

• 1. Раён Чэнгуань
• 2. Павет Лхундруп
• 3. Павет Дамжунг
• 4. Павет Н’емо
• 5. Павет Чхушчур
• 6. Павет Талунгдэчхен
• 7. Павет Такце
• 8. Павет Малдрагунгкар

Насельніцтва

Насельніцтва горада Лхаса складае каля 250 тыс. чалавек, а агульнае насельніцтва муніцыпалітэта — 521,500, уключаючы мігрантаў і выключаючы ваенны гарнізон. 100 000 чалавек складаюць мігранты.

Па перапісу 2000 года 81,6 % насельніцтва складаюць этнічныя тыбетцы. У гэты лік не ўваходзяць салдаты і неафіцыйныя мігранты, большасць якіх — кітайцы. Паводле ацэнак тыбецкага ўрада ў выгнанні, этнічныя тыбетцы ў горадзе Лхаса складаюць меншасць.

У апошні час праходзіла істотная лібералізацыя эканомікі Кітая, нямала кітайцаў пасялілася таксама ў ваколіцах Лхасы, актывізавалі мясцовую эканоміку.

Спасылкі

• На Вікісховішчы ёсць медыяфайлы па тэме Лхаса