Марскія павукі

Марскія павукі
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Хеліцэравыя Клас:  Марскія павукі
Міжнародная навуковая назва
Pycnogonida Gerstaeker, 1862
Сямействы
Ammotheidae Austrodecidae Callipallenidae Colossendeidae Endeididae Nymphonidae Pallenopsidae Phoxichilidiidae Pycnogonidae Rhynchothoracidae
Сістэматыка на Віківідах Выявы на Вікісховішчы ITIS   83546 NCBI   373319 EOL   1547 FW   19015

Марскія павукі (Pantopoda, Gerstaeker, 1862) — клас марскіх хеліцэравых (Chelicerata).

Апісанне

Даўжыня 0,8—72 мм. Цела складаецца з масіўнага хабатка, сегментаванага тулава і кароткага хваставога аддзела. На спіне вочны бугор з 4 вокамі. 1-я пара канечнасцей (клюшнепадобных) служыць для захопу корму, 2-я і 3-я шчупальцападобныя пары — для дотыку (а ў самцоў 3-я і для выношвання патомства), 4—7-я пары — хадзільнью ногі (з размахам ад 1,4 мм да 50 см). Унутры іх знаходзяцца адгалінаванні кішэчніка і палавыя залозы.

Пашырэнне

Вядомы з ніжняга дэвону (каля 400 млн. гадоў назад). Жывуць практычна на ўсіх глыбінях, ад літаралі да абісалі, ва ўмовах нармальнай салёнасці. Сустракаюцца ва ўсіх морах. У цяперашні час вядома больш за 1000 сучасных відаў. Часам марскіх павукоў вылучаюць з хеліцэравых ў самастойны таксон.

Асаблівасці біялогіі

Драпежнікі і паўпаразіты, кормяцца мяккімі тканкамі донных беспазваночных.

Раздзельнаполыя, развіццё з ператварэннем.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).
• Cotton, T.J., & Braddy, S.J. (2004). The phylogeny of arachnomorph arthropods and the origin of the Chelicerata. // Transactions of the Royal Society of Edinburgh: Earth Sciences, 94: 169—193. DOI:10.1017/S0263593300000596 (англ.)
• Dunlop J. A. & C. P. Arango (2005). Pycnogonid affinities: a review. // Journal of Zoological Systematics and Evolutionary Research 43: 8-21. DOI:10.1111/j.1439-0469.2004.00284.x (англ.)