Мар’ян Дукса

З пляцоўкі Вікіпедыя
Jump to navigation Jump to search
Мар’ян Дукса
Асабістыя звесткі
Дата нараджэння: 5 красавіка 1943(1943-04-05)
Месца нараджэння:
Дата смерці: 19 красавіка 2019(2019-04-19) (76 гадоў)
Грамадзянства:
Альма-матар:
Прафесійная дзейнасць
Род дзейнасці: паэт, празаік
Грамадская дзейнасць
Член у

Мар’ян Мікалаевіч Ду́кса (5 красавіка 1943, в. Каракулічы, цяпер Мядзельскі раён, Мінская вобласць — 19 красавіка 2019) — беларускі празаік і паэт.

Біяграфічныя звесткі[правіць | правіць зыходнік]

Нарадзіўся 5 красавіка 1943 года ў вёсцы Каракулічы Мядзельскага раёна Мінскай вобласці ў сялянскай сям’і. Рана страціў бацьку. У 1958—1960 гг. займаўся ў Свірскім вучылішчы механізацыі сельскай гаспадаркі, закончыўшы яго, працаваў у калгасе ўлікоўцам трактарнай брыгады, адначасова вучыўся завочна ў сярэдняй школе. У 1969 годзе скончыў філалагічны факультэт БДУ. З 1969 па 1987 год працаваў настаўнікам сярэдняй школы ў Солах.

Памёр 19 красавіка 2019 года на 77-ым годзе жыцця[1].

Творчасць[правіць | правіць зыходнік]

На старонках рэспубліканскай перыёдыкі выступае з вершамі з 1960 года. Выдаў вершаваныя зборнікі «Спатканне» (1967), «Крокі» (1972), «Станцыя» (1974), «Прыгаршчы суніц» (1976), «Забытыя словы» (1979), «Зона супраціўлення» (1982), «Твая пара сяўбы» (1985), «Заснежаныя ягады» (1989), «Горн прымірэння» (1993). Аўтар кніг для дзяцей «Зялёны акварыум» (1980) і «Світаюць сосны» (1987).

Прыгажосць Бацькаўшчыны, роднай прыроды, паэзія кахання, праблемы дабра і зла, веры — асноўныя матывы яго твораў.

Прэміі і ўзнагароды[правіць | правіць зыходнік]

Лаўрэат Літаратурнай прэміі Саюза пісьменнікаў Беларусі імя А.Куляшова (1990) за кнігу паэзіі «Заснежаныя ягады» (1989).

Зноскі

  1. Памёр літаратар Мар’ян Дукса. racyja.com (19 красавіка 2019). Праверана 19 красавіка 2019.

Літаратура[правіць | правіць зыходнік]

Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн.: БелЭн, 1998. — 576 с.: іл. ISBN 985-11-0106-0 (т. 6), ISBN 985-11-0035-8