Мікалай Мікалаевіч Крукаў

Мікалай Мікалаевіч Крукаў
Дата нараджэння	5 жніўня 1959(1959-08-05)
Месца нараджэння	Рось, Роскі сельсавет, Ваўкавыскі раён, Гродзенская вобласць, БССР, СССР
Дата смерці	14 красавіка 2024(2024-04-14) (64 гады)
Грамадзянства	Польшча  Беларусь
Род дзейнасці	мастак
Жанр	партрэт, іканапіс, жанравы жывапіс, анімалістыка
Вучоба	Рэспубліканская школа-інтэрнат па музыцы і выяўленчым мастацтве імя І. В. Ахрэмчыка (1977) Беларускі дзяржаўны тэатральна-мастацкі інстытут (1982)

Мікалай Мікалаевіч Крукаў (5 жніўня 1959 — 14 красавіка 2024) — беларускі мастак-жывапісец, манументаліст.

Біяграфія

Нарадзіўся ў пасёлке Рось, побач з Ваўкавыскам. У 1977 скончыў Рэспубліканскую школу-інтэрнат для таленавітых дзяцей па выяўленчым мастацтве, адразу паступіў у Беларускі тэатральна-мастацкі інстытут на аддзяленне манументальна-дэкаратыўнага мастацтва, які скончыў у 1982 годзе.

Творчасць

Працаваў у галіне манументальнага і станковага жывапісу ў Гродзенскім мастацкім камбінаце.

Браў удзел у прафесійных мастацкіх выставах з 1985 года. Быў майстрам іканапісу, партрэта, жанравага жывапісу і анімалістыкі. Цэлую серыю твораў прысвяціў коткам.

Вядомыя творы

• роспісы ў Доме культуры г. п. Краснасельскі Ваўкавыскага раёна
• сграфіта ў Скідзельскай СПТВ № 190 Гродзенскага раёна
• маркетры (мазаіка) на Станцыі юных натуралістаў у Гродне
• вітражы ў прафілакторыі ААТ «Гродна Азот»
• роспісы і вітражы ў СПТВ № 120, Малая Бераставіца
• роспісы і вітражы ў стаматалагічным аддзяленні медыцынскага вучылішча ў Гродне
• роспіс і суперграфіка ў Азёрскай школе-інтэрнаце Гродзенскага раёна
• літы вітраж у школе-інтэрнаце ў Парэччы Гродзенскага р-на (у сааўтарстве),
• люстры ў Гродзенскім дзяржаўным музеи гісторыі рэлігіі
• люстры ў былым санаторыі «Свяцк» Гродзенскага раёна.

Спасылкі

• Аляксей Пяткевіч. Людзі культуры з Гродзеншчыны. Даведнік.