Міхееўскі сельсавет

З Вікіпедыі, свабоднай энцыклапедыі
Міхееўскі сельсавет
Краіна  Беларусь
Уваходзіць у Дрыбінскі раён
Уключае 36 населеных пунктаў
Адміністрацыйны цэнтр Дрыбін (не ўваходзіць у склад)
Дата ўтварэння 20 жніўня 1924
Насельніцтва (2019) 1 830
Плошча
  • 251,861 км²
Часавы пояс UTC+03:00
Код аўтам. нумароў 6
Афіцыйны сайт

Міхе́еўскі сельсавет — адміністрацыйна-тэрытарыяльная адзінка ў складзе Дрыбінскага раёна Магілёўскай вобласці Беларусі. Цэнтр — гарадскі пасёлак Дрыбін (не ўваходзіць у склад).

Гісторыя[правіць | правіць зыходнік]

Утвораны 20 жніўня 1924 года як Дрыбінскі сельсавет у складзе Дрыбінскага раёна Аршанскай акругі БССР. Цэнтр — вёска Дрыбін. Пасля скасавання акруговай сістэмы 26 ліпеня 1930 года ў Дрыбінскім раёне БССР, з 8 ліпеня 1931 года — у Горацкім раёне, з 12 лютага 1935 года — у Дрыбінскім раёне. З 20 лютага 1938 года ў складзе Магілёўскай вобласці. 16 ліпеня 1954 года да сельсавета далучана тэрыторыя скасаванага Карэбскага сельсавета[1]. З 16 верасня 1959 года ў складзе Горацкага раёна. 24 чэрвеня 1960 года да сельсавета далучана тэрыторыя скасаванага Гарадзецкага сельсавета, у склад Панкратаўскага сельсавета перададзена вёска Машкова[2]. У 1961 годзе ў склад Копцеўскага сельсавета перададзены пасёлак Мікольск[3]. З 29 снежня 1989 года ў складзе адноўленага Дрыбінскага раёна. 24 студзеня 1996 года сельсавет перайменаваны ў Міхееўскі з цэнтрам у вёсцы Дрыбін. 19 лістапада 1997 года Дрыбін атрымаў статус гарадскога пасёлка. 23 снежня 2009 года да сельсавета далучана тэрыторыя скасаванага Цемналескага сельсавета (12 населеных пунктаў: вёскі Вярба, Галалобаўка, Гантоўля, Еськаўка, Каратышкі, Пакуцце, Паташня, Пічаўка, Таўкачы, Цёмны Лес, Шаблавы і пасёлак Ленінскі)[4].

Насельніцтва[правіць | правіць зыходнік]

Насельніцтва сельсавета паводле перапісу 2009 года (24 населеныя пункты) — 1833 чалавекі[5], з іх 92,6 % — беларусы, 6,2 % — рускія, 0,7 % — украінцы[6]; паводле перапісу 2019 года (36 населеных пунктаў) — 1830 чалавек[7].

Зноскі

  1. ↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
  2. ↑ Рашэнне выканкома Магілёўскага абласнога Савета дэпутатаў працоўных ад 24 чэрвеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 20.
  3. ↑ Рашэнні выканкома Магілёўскага абласнога Савета дэпутатаў працоўных ад 16 і 30 лістапада 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 2 (961).
  4. ↑ Решение Могилевского областного Совета депутатов от 23 декабря 2009 г. № 17-16 Об изменении административно-территориального устройства некоторых административно-территориальных единиц Могилевской области
  5. ↑ Насельніцтва населеных пунктаў Магілёўскай вобласці Беларусі паводле перапісу 2009 года
  6. ↑ Этнічны склад насельніцтва сельсаветаў Беларусі паводле перапісу 2009 года
  7. ↑ Насельніцтва населеных пунктаў Магілёўскай вобласці Беларусі паводле перапісу 2019 года

Літаратура[правіць | правіць зыходнік]

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
Узята з "https://be.wikipedia.org/w/index.php?title=Міхееўскі_сельсавет&oldid=4626945"