Мікола Засім
Мікола Засім | |
---|---|
![]() | |
Асабістыя звесткі | |
Імя пры нараджэнні | Мікалай Арцёмавіч Засім |
Дата нараджэння | 19 лістапада 1908 |
Месца нараджэння | |
Дата смерці | 19 ліпеня 1957 (48 гадоў) |
Пахаванне | |
Грамадзянства | |
Месца працы | |
Прафесійная дзейнасць | |
Род дзейнасці | паэт |
Мова твораў | беларуская |
Грамадская дзейнасць | |
Партыя | |
Член у | |
Узнагароды | |
![]() | |
![]() |
Мікола Засім, Мікала́й Арцё́мавіч За́сім (19 лістапада 1908, в. Шані, цяпер Пружанскі раён — 19 ліпеня 1957) — беларускі паэт.
Біяграфія
[правіць | правіць зыходнік]Нарадзіўся ў сялянскай сям’і. Працаваў па найме на Пружанскім лесапільным заводзе. У 1924 годзе ўступіў у падпольную камсамольскую арганізацыю, затым у КПЗБ. За ўдзел у рэвалюцыйным руху польскія ўлады яго не раз арыштоўвалі. У 1925 годзе зняволены ў Пружанскую турму. Пасля ўз’яднання Заходняй Беларусі з БССР (1939) абраны старшынёй Шанеўскага сельсавета. Падчас Вялікай Айчыннай вайны — партызан, інструктар Брэсцкага абласнога антыфашысцкага камітэта. У 1944—1946 гадах — загадчык аддзела Пружанскага райвыканкама. Член Саюза пісьменнікаў СССР (з 1945). Пасля заканчэння Рэспубліканскай партыйнай школы пры ЦК КПБ (1948) працаваў у брэсцкай абласной газеце «Заря» (1948—1957), затым — у раённай газеце «Заря над Бугом». Кіраваў абласным літаб’яднаннем.
![](http://upload.wikimedia.org/wikipedia/commons/thumb/2/2d/%D0%9F%D1%80%D1%83%D0%B6%D0%B0%D0%BD%D1%8B._%D0%94%D0%BE%D0%BC_%D0%BF%D0%B0_%D0%B2%D1%83%D0%BB%D1%96%D1%86%D1%8B_%D0%9A%D1%96%D1%80%D0%B0%D0%B2%D0%B0%2C_56.jpg/220px-%D0%9F%D1%80%D1%83%D0%B6%D0%B0%D0%BD%D1%8B._%D0%94%D0%BE%D0%BC_%D0%BF%D0%B0_%D0%B2%D1%83%D0%BB%D1%96%D1%86%D1%8B_%D0%9A%D1%96%D1%80%D0%B0%D0%B2%D0%B0%2C_56.jpg)
Пахаваны ў Брэсце на Трышынскіх могілках[1].
Творчасць
[правіць | правіць зыходнік]Дэбютаваў вершамі ў 1928 (часопісы «Маланка», «Літаратурная старонка», «Асва», газеты «Наша воля», «Наша праца», у Айчынную вайну — у падпольных газетах «Заря», «За Родину»). Аўтар зборнікаў паэзіі «Ад шчырага сэрца» (1947), «Вершы» (1954), «Выбранае» (1960), «Вершы» (1973), «А за намі Белавежа» (вершы і паэма, 1984).
Узнагароды
[правіць | правіць зыходнік]Узнагароджаны ордэнам Чырвонай Зоркі і медалямі.
Зноскі
- ↑ Тришинское кладбище // Брест : Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1987. — 408 с.
Літаратура
[правіць | правіць зыходнік]- Засім Мікола // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.
- Засім Мікола // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.
Спасылкі
[правіць | правіць зыходнік]![]() |
Мікола Засім у Вікікрыніцах |
---|---|
![]() |
Мікола Засім на Вікісховішчы |
- Нарадзіліся 19 лістапада
- Нарадзіліся ў 1908 годзе
- Нарадзіліся ў Пружанскім павеце (Расійская імперыя)
- Памерлі 19 ліпеня
- Памерлі ў 1957 годзе
- Пахаваныя на Трышынскіх могілках
- Члены БСРГ
- Члены Камуністычнай партыі Заходняй Беларусі
- Члены Таварыства беларускай школы
- Члены Саюза пісьменнікаў СССР
- Кавалеры ордэна Чырвонай Зоркі
- Асобы
- Пісьменнікі паводле алфавіта
- Нарадзіліся ў Пружанскім раёне
- Паэты Беларусі
- Беларускамоўныя паэты