Ніжняя тундра (апавяданне)
| Ніжняя тундра | |
|---|---|
| руск.: Нижняя тундра | |
| Аўтар | Віктар Алегавіч Пялевін |
| Мова арыгінала | руская |
| Дата напісання | 1999 |
| Дата першай публікацыі | 1999 |
«Ніжняя тундра» (руск.: «Нижняя тундра») — сатырыка-філасофскае псіхадэлічнае фантастычнае апавяданне рускага пісьменніка Віктара Пялевіна, апублікаванае ў 1999 годзе.
Апавяданне напісана спецыяльна для выпуска аднайменнага альбома рок-гурта «Ва-Банкъ», надрукавана ва ўкладышы буклета. Увайшоў у аўтарскі зборнік «Relics. Ранняе і нявыдадзенае» 2005 года. Даследчыкі адзначаюць, што тэкст апавядання дазваляе судзіць аб эксперыментальнай працы «Ва-банка»[1].
У 2007 годзе выдавецкі дом «Саюз» выпусціў аўдыёкніжку апавяданняў Віктара Пялевіна: пяць вядомых апавяданняў у выкананні аўтара, куды ўвайшло апавяданне «Ніжняя тундра».
Гісторыя стварэння[правіць | правіць зыходнік]
Пасля прачытання рамана Віктара Пялевіна «Чапаеў і Пустэча» гурт «Ва-Банкъ» знаходзіўся пад вельмі вялікім уражаннем ад гэтага твора. У Аляксандра Скляра з’явілася думка паспрабаваць вынайсці новы жанр: зрабіць саўндтрэк да ненапісанага апавядання. Ідэя складалася ў тым, што Віктар Пялевін стварае новае апавяданне, а гурт «Ва-Банк» да яго піша саўндтрэк і выдаецца гэта як мульціжанравы творчы прадукт, пры гэтым да гэтага ні апавяданне, ні саўндтрэк нікуды не выкладваюцца. Аляксандр Скляраў патэлефанаваў Віктару Пялевіну, выклаў ідэю і праз некалькі месяцаў атрымаў станоўчы адказ. Праца над творам доўжылася таксама некалькі месяцаў. Віктар Пялевін перадаў гурту «Ва-банк» рукапіс, у якім ўтрымліваліся адзнакі з назвамі будучых песень[2].
Змест[правіць | правіць зыходнік]
Імператар Юань Мэн, каб знайсці спосаб пазбавіцца ад музыкі разбурэння і гібелі ведзьмака Санхамы, з’еўшы ладную колькасць нябесных грыбоў, адбыў да духа Палярнай зоркі. Шлях да духа Палярнай Зоркі ляжаў праз калодзеж у снежным стэпе…
У апавяданні апісваюцца ўзаемаадносіны СССР і ЗША ў паняццях і пры дапамозе слоўнікавага запасу жыхара тундры. Паказваецца рэчаіснасць Расіі 1990-х гадоў праз эстэтыку сярэднявечнай кітайскай культуры.
Галоўны герой — Юань Мэн падарожнічае ў іншую рэальнасць, ужываючы рэчывы, якія пашыраюць свядомасць.
Выданні[правіць | правіць зыходнік]
- зборнік «Relics. Раннее и неизданное» — Масква, Эксмо, 2005.
- зборнік «Все рассказы» — 2005.
