Павел Сапега (кашталян кіеўскі)

Павел Іванавіч Сапега
Павел Сапега
Герб «Ліс»
1-ы Кашталян кіеўскі сакавік 1566 — снежань 1580
Папярэднік	пасада створана
Пераемнік	Міхаіл Аляксандравіч Вішнявецкі
Нараджэнне	не пазней за 1545
Смерць	снежань 1580, 30 лістапада 1579(1579-11-30) ці 1580
Род	Сапегі
Бацька	Іван Багданавіч Сапега
Маці	Ганна Андрэеўна Сангушка[d]
Жонка	Ганна з Хадкевічаў[d]
Дзеці	Ян Пётр Сапега, Соф’я з Сапегаў[d] і Альжбета з Сапегаў[d]
Веравызнанне	праваслаўе
Медыяфайлы на Вікісховішчы

Павел Іванавіч Сапега (да 1546—1580) — дзяржаўны і вайсковы дзеяч Вялікага Княства Літоўскага. Кашталян кіеўскі (з 1566).

Біяграфія

З чарэйска-ружанскай лініі магнацкага роду Сапегаў герба «Ліс», сын Івана і Ганны з Сангушкаў. Меў брата Івана.

З 1560 валодаў памежнай крэпасцю Любеч, якая мусіла стрымліваць набегі татараў. Згодна з адміністрацыйна-тэрытарыяльнай рэформай (1565—1566) атрымаў пасаду кашталяна кіеўскага.

Па інкарпарацыі Кіеўскага ваяводства Каралеўствам Польскім зрабіўся сенатарам, аднак працягваў бараніць інтарэсы Вялікага Княства Літоўскага. У 1569 яшчэ да смерці вялікага князя Жыгімонта Аўгуста вёў перамовы з французскімі пасламі датычна вяртання Літве Брацлаўскага, Валынскага і Кіеўскага ваяводстваў у выпадку абрання на прастол Генрыка Валезы.

Удзельнічаў у планаванні вайны з царом маскоўскім Іванам Грозным у красавіку 1580. Памёр у пачатку снежня 1580.

Меў звязкі з кальвінізмам, аднак наказаў пахаваць сябе ў царкве ў Ляйпунах.

Ажаніўся з Ганнай Хадкевіч (дачка Рыгора Хадкевіча, шлюб да 1562), з якой меў сыноў Яна Пятра і Паўла, а таксама дачок Соф’ю, Альжбету і Ганну.

Спасылкі

• Генеалогія Сапегаў Архівавана 21 верасня 2013.