Перайсці да зместу

Ракетны абстрэл Украіны 14 студзеня 2023 года

З Вікіпедыі, свабоднай энцыклапедыі
Ракетны ўдар па жылым доме ў Дняпры
Дом у Дняпры пасля ўдару ракетай Х-22
Дом у Дняпры пасля ўдару ракетай Х-22
Месца Дняпро
Дата 14 студзеня 2023 года
Нападнікі УС РФ
Забітыя не менш за 46[1]
Параненыя 80[1]
Канфлікт уварванне Расіі ва Украіну
Лагатып Вікісховішча Медыяфайлы на Вікісховішчы

Масіраваны ракетны абстрэл Украіны Узброенымі сіламі Расійскай Федэрацыі адбыўся 14 студзеня 2023 года. Выбухі прагрымелі ў Дняпры, Кіеве[2], Запарожжы[3], Харкаўскай, Львоўскай[4], Кіеўскай, Вінніцкай, Мікалаеўскай, Адэскай, Івана-Франкоўскай і Хмяльніцкай абласцях Украіны.

У шасці абласцях Украіны пашкоджаны аб’екты энергетычнай інфраструктуры[5]. У адной ЦЭС разбураны энергаблок.

У Дняпры ракета трапіла ў шматпавярховы дом, забіўшы не менш як 45 чалавек і параніўшы не менш як 75; пра лёс яшчэ 35 чалавек пакуль нічога не вядома[6]. Сярод параненых 14 дзяцей (самаму малодшаму — тры гады; 9-гадовая дзяўчынка знаходзіцца ў цяжкім стане)[7]; сярод забітых 15-гадовая дзяўчына.

Францыя назвала дадзены ўдар ваенным злачынствам Расіі. Расійскія ўлады не пракаментавалі свой учынак.

У Дняпры аб’явілі трохдзённую жалобу.

Ход падзей

[правіць | правіць зыходнік]
Наступствы нападу на жылы дом у Дняпры

14 студзеня 2023 года УС РФ зрабілі масіраваны абстрэл суседняй з імі Украіны. Выбухі прагрымелі ў Дняпры, Кіеве, Запарожжы, у Харкаўскай, Львоўскай, Кіеўскай, Вінніцкай, Мікалаеўскай, Адэскай, Івана-Франкоўскай і Хмяльніцкай абласцях Украіны. Расіяне паднялі ў паветра 17 бамбавікоў Ту-95, у моры выйшлі расійскія караблі, якія нясуць «Калібры»[8]. З пяці Ту-22м3 над Курскай вобласцю і над Азоўскім морам выпусцілі пяць крылатых ракет тыпу Х-22. (На дадзены момант у Украіны няма сродкаў СПА для перахопу такіх ракет[9]). Харкаў расейцы абстралялі з ракетных комплексаў С-300.

Кіеў і Кіеўская вобласць
Разбурэнні ад абстрэлу Кіева

Кіеў і Кіеўская вобласць (і шэраг іншых абласцей) былі атакаваныя УС РФ двойчы — каля 09:00 і — каля 15:00[10]. У Дняпроўскай раёне Кіева быў удар па крытычнай інфраструктуры горада. У Дарніцкім раёне абломкам ракеты пашкодзіла аўтамабіль. У Кіеўскай вобласці расійскія ракеты пашкодзілі 28 жылых дамоў. Прадстаўнік ВСУ заявіў, што ранішні ўдар быў здзейснены балістычнымі ракетамі[11].

Адэса

Адэская райдзяржадміністрацыя ў 15:07 паведаміла, што над Адэскім раёнам у адказ на пускі ракет з паветра і мора спрацавала СПА. У Адэсе спынілі электратранспарт.

Запарожжа

Горад больш за 90 разоў быў абстраляны ракетамі С-300 з-пад Энэргадара.

Аўдзееўка

У Аўдзееўцы расійскія войскі забілі з «Градаў» 3 чалавек.

Херсонская вобласць

Часовае адключэнне электраэнергіі ў шэрагу мікрараёнаў Херсона і ў 35 населеных пунктах вобласці.

Харкаў

У Харкаве спынілі метро.

Івана-Франкоўская вобласць
Ліквідацыя наступстваў удару па Івана-Франкоўскай вобласці

Удар па аб’екце энергетычнай інфраструктуры.

Мікалаеўская вобласць

У Мікалаеўскай вобласці ў шэсць раніцы расіяне абстралялі Ачакіў і выбілі вокны ў шматпавярхоўцы. Быў пашкоджаны жылы дом у населеным пункце Куцурубскай абшчыны.

Іншыя гарады

У Жытомірскай, Чаркаскай і Вінніцкай абласцях было ўведзена часовае адключэнне святла.

Разбурэнне шматпавярховага жылога дома ў Дняпры

[правіць | правіць зыходнік]
Наступствы атакі (48°25′08″ пн. ш. 35°04′05″ у. д.HGЯO)

У Дняпры каля 15:30 ракета тыпу Х-22 уразіла дзевяціпавярховы жылы дом па адрасе Набярэжная Перамогі, 118, разбурыўшы адзін пад’езд і 72 кватэры[12][13]. Па дадзеных мясцовых уладаў, на раніцу 17 студзеня вядома пра 45 загінулых[14] і 75 параненых, у тым ліку 14 дзяцей; лёс яшчэ 35 жыхароў дома пакуль няясны. 39 чалавек былі выратаваны з-пад завалаў[6]. Цудам выжыла 23-гадовая дзяўчына Анастасія Швец, якая ў шокавым стане была ў ваннай на сёмым паверсе — у верасні яе жаніх загінуў на расійска-ўкраінскай вайне; пра бацькоў, якія былі ў доме, нічога не вядома[15].

Абставіны

[правіць | правіць зыходнік]

Па хаце трапіла ракета таго ж тыпу, што і ўразіла гандлёвы цэнтр у Крэменчузе 27 чэрвеня 2022 года. Камандуючы Паветраных сіл ВСУ генерал-лейтэнант Мікалай Аляшчук заявіў, што ва ўкраінскай арміі на момант здарэння адсутнічалі сродкі для збіцця такіх ракет, і што за год поўнамаштабнай вайны з 210 запушчаных па Украіне ракет Х-22 не была збітая ні адна. Раней гучалі паведамленні аб паразе такіх ракет Алешчук назваў несапраўднымі і памылковымі. Украінская служба BBC выказала меркаванне, што заява камандуючага з’яўляецца адказам на заяву саветніка кіраўніка Офіса прэзідэнта Украіны Аляксея Арастовіча, які раней сцвярджаў, што расійская ракета Х-22 упала на дом у выніку паражэння сродкамі СПА[12].

Ракета на тэрыторыі Малдовы

[правіць | правіць зыходнік]

Паблізу вёскі Ларга Брычанскага раёна малдаўскія праваахоўныя органы знайшлі абломкі меркаванай ракеты[16].

Пацярпелыя

[правіць | правіць зыходнік]

Па стане на раніцу 16 студзеня вядома аб гібелі па меншай меры 35 чалавек[6] (сярод якіх 15-гадовая дзяўчына) толькі ў Дняпры. Былі паранены 75 чалавек (уключаючы 14 дзяцей[6]; самаму малодшаму — тры гады; 9-гадовая дзяўчынка знаходзіцца ў цяжкім стане), усе дзеці былі адпраўлены ў бальніцу.

Рэакцыя

[правіць | правіць зыходнік]

Міжнародная супольнасць

[правіць | правіць зыходнік]

Міністэрства замежных спраў Францыі назвала атаку ваенным злачынствам і адзначыла, што яна сведчыць аб намеры Расіі эскалаваць вайну[17].

Прэзідэнт Літвы Гітанас Наўседа заявіў, што Расія — тэрарыстычная дзяржава і для яе прыйдзе час адказнасці за падобныя атакі[18].

Расія

[правіць | правіць зыходнік]

Па стане на 15 студзеня не было афіцыйных заяў расійскага боку аб разбурэнні дома ў Дняпры, аднак Міністэрства абароны Расіі апублікавала раніцай 15 студзеня паведамленне ў тэлеграм-канале з фатаграфіяй ракеты і подпісам «Зараджаем па поўнай»[19]. Расійскія дзяржаўныя СМІ не зрабілі ні адной публікацыі па нагоды разбурэння дома ў Дняпры[20].

Зноскі

  1. ↑ а б Памылка ў зносках: Няслушны тэг <ref>; для зносак meduza_2023_01_19 няма тэксту
  2. ↑ Russian missiles strike vital infrastructure in Kyiv and Kharkiv
  3. ↑ Российские войска обстреляли Киев и подняли в воздух бомбардировщики
  4. ↑ Россия дважды за день обстреляла Украину. В Днепре ракета попала в многоквартирный дом. Главное
  5. ↑ Россия целый день обстреливала Украину. В Днепре ракета попала в многоквартирный дом. Больше 30 человек погибли, десятки пострадали. Meduza (14 студзеня 2023). Архівавана з першакрыніцы 16 студзеня 2023.
  6. ↑ а б в г "Что известно о попадании российской ракеты в многоэтажку в Днепре". BBC News Русская служба. 2023-01-16. Архівавана з арыгінала 2023-01-16.
  7. ↑ В результате обстрела Днепра разрушен многоэтажный жилой дом. Радио «Свобода» (14 студзеня 2023).
  8. ↑ Россия нанесла новый ракетный удар по Украине, сообщается об обстрелах инфраструктуры
  9. ↑ Война в Украине: в Днепре российская ракета попала в многоэтажный дом, Британия первая направит Киеву 14 танков
  10. ↑ Массированный ракетный обстрел Украины армией РФ. В Днепре разрушен многоэтажный дом, есть погибшие
  11. ↑ Война в Украине: в Днепре российская ракета попала в многоэтажный дом, Британия первая направит Киеву 14 танков - Новости на русском языке (руск.). BBC News Русская служба. Праверана 15 студзеня 2023.
  12. ↑ а б Х-22. Що відомо про ракету, якою Росія вдарила по Дніпру. І чи могли її збити. BBC News Україна (15 студзеня 2023). Архівавана з першакрыніцы 16 студзеня 2023.
  13. ↑ В Днепре ракета частично разрушила девятиэтажный дом. Не менее пяти человек погибли, более 20 пострадали. Вот как это было. Meduza (14 студзеня 2023).
  14. ↑ Death toll in Dnipro apartment strike rises to 44
  15. ↑ «Я ничего не чувствую, кроме большой пустоты внутри». Meduza (15 студзеня 2023).
  16. ↑ В Молдавии упали обломки ракеты
  17. ↑ МИД Франции: удары РФ по украинским городам — военные преступления, которые не могут остаться безнаказанными. Міжнароднае французскае радыё (14 студзеня 2023). Архівавана з першакрыніцы 14 студзеня 2023.
  18. ↑ Gitanas Nausėda. Russia is a terrorist state (14 студзеня 2023).
  19. ↑ Главное к этому часу (руск.). BBC News Русская служба. Праверана 15 студзеня 2023.
  20. ↑ «Цель удара достигнута». Минобороны России подтвердило ракетные удары по Украине 14 января, в результате которых погибли более 20 человек (руск.). The Insider (15 студзеня 2023). Архівавана з першакрыніцы 16 студзеня 2023.

Узята з "https://be.wikipedia.org/wiki/Ракетны_абстрэл_Украіны_14_студзеня_2023_года"