Рыгор Ціханавіч Лынькоў

З пляцоўкі Вікіпедыя
Перайсці да навігацыі Перайсці да пошуку
Рыгор Ціханавіч Лынькоў
Асабістыя звесткі
Дата нараджэння 1909
Месца нараджэння
Дата смерці 1941
Грамадзянства
Прафесійная дзейнасць
Род дзейнасці перакладчык, паэт
Мова твораў беларуская
Лагатып Вікікрыніц Творы ў Вікікрыніцах

Рыгор Ціханавіч Лынькоў (1909, каля в. Старое Сяло, Рагачоўскі павет — 1941. Псеўданімы: Рыгор Суніца, Р. Суніца, Р. Смелы; Крыптанімы: Р. Л-ў, Р. Л-оў, Р. Л-коў, Р. Л.) — беларускі савецкі паэт, перакладчык. Брат беларускага паэта Міхася Лынькова.

Біяграфія[правіць | правіць зыходнік]

Нарадзіўся ў сям’і чыгуначніка, таму маленства правёў у чыгуначнай будцы на Рагачоўшчыне. У 1923 годзе цалкам асірацеў. З 1923 да 1925 года жыў у брата (М. Лынькова) у вёсцы Свержань Рагачоўскага раёна. Вучыўся ў Свержанскай сямігодцы, калі брат пераехаў у Бабруйск, скончыў 8 класаў тамтэйшай сярэдняй школы. У 1928 гадзе працаваў загадчыкам хаты-чытальні ў адной з вёсак Рагачоўскага раёна. Служыў у Чырвонай Арміі. Дэмабілізаваўшыся, з 1929 года працаваў у рэдакцыі Бабруйскай газеты «Камуніст». У 1936—1941 гадах — адказны сакратар газеты «Літаратура і мастацтва» ў Мінску. Прапаў без вестак у 1941 годзе на фронце.

Сям’я[правіць | правіць зыходнік]

Быў у шлюбе з яўрэйкай Геняй Рыгораўнай Лерман, якая была малодшай з сямі дочак у сям’і Рыгора і Рахілі Беркаўны Лерманаў. Адна са старэйшых сясцёр Вольга выйшла замуж за пісьменніка Васіля Вітку. Восенню 1941 года нацысты расстралялі Геню, 22-гадовую настаўніцу, разам з зусім маленькай дачушкай Аленкай каля Старых Дарог. Разам з імі загінулі братава жонка Хана Абрамаўна і іхні сын Марык[1].

Творчасць[правіць | правіць зыходнік]

Друкаваўся з 1926 года. Пісаў пра подзвігі герояў Грамадзянскай вайны, патрыятычныя імкненні моладзі.

Пераклаў на беларускую мову асобныя творы рускіх паэтаў: вершы і паэму «Добра!» (саўм. з В. Вітка) У. Маякоўскага, п’есу «Казка» М. Святлова(руск.) бел. і іншыя.

Зноскі

Літаратура[правіць | правіць зыходнік]

Спасылкі[правіць | правіць зыходнік]