Святлана Міхайлаўна Басуматрава

З пляцоўкі Вікіпедыя
Jump to navigation Jump to search

Святлана Міхайлаўна Басуматрава (22 лістапада 1946, Мазыр, Гомельская вобласць, 29 мая 2016, Бабруйск) — беларуская паэтэса.

Біяграфія[правіць | правіць зыходнік]

Дзяцінства прайшло на Магілёўшчыне. У 1958 годзе сям'я выехала на цалінныя землі ў пасёлак Паспеліха Алтайскага краю, у 1962 годзе пераехала ў Баранавіцкі раён. Пасля заканчэння школы (1964) працавала старшай піянерважатай Вольнаўскай васьмігадовай школы пад Баранавічамі. У 1966—1969 гг. вучылася ў Літаратурным інстытуце імя М. Горкага ў Маскве (скончыла завочна ў 1986). Працавала ўчотчыкам у саўгасе «Савіцкі» Баранавіцкага раёна, выкладала беларускую і нямецкую мовы ў Крывошынскай і Федзюкоўскай сярэдніх школах Ляхавіцкага раёна. Член Саюза пісьменнікаў СССР з 1982 г.

Аўтар кніг паэзіі «Белая Бярэзіна» (1981), «Кветкі палявыя» (1985), «Званы чалавечнасці» (1988).