Сонца Перамогі

Сонца Перамогі
Сонца Перамогі
Зборнік Белы легіён
Дата выпуску	28 чэрвеня 2020 года
Жанры	Рок супраць камунізму; Фолькавы рок; Патрыятычны рок; Вайсковыя песні
Працягласць	50:28
Краіна	Беларусь
Мова песень	беларуская

«Сонца Перамогі» — зборнік патрыятычных песень, запісаны колішнімі чальцамі Белага легіёна і які распаўсюджваецца бясплатна праз сеціва.

Стварэнне

Ініцыятарамі збору сродкаў на альбом сталі Сяргей Бульба і Зміцер Сасноўскі. Планавалася, што праект пабачыць свет да 2 лютага 2020 года і будзе прэзентаваны на фэсце «Узаемна» ў гонар дня нараджэння Кастуся Каліноўскага, спачатку ў альбоме таксама планавалася толькі 12 песень, аднак у зборнік увайшло 19 песень, 2 з якіх пазначаныя як дадатак («Шыхт зважай» і «Гімн Белага легіёна (2003 год)»). На запіс запрашаліся добраахвотнікі для спеваў і гры на інструментах, прынялі ўдзел шмат якія прафесійныя музыкі, акрамя саміх легіянераў.

У паведамленні пра збор сродкаў ініцыятары ідэі таксама адзначылі:

Менавіта ў наш час патрэбны моцныя эмацыйныя, натхнёныя, баявыя патрыятычныя спевы. Вось зараз, калі грызем адзін аднога на глебе беларусы-ліцвіны-лацінка-выбары… Мы перад выбарам, альбо страціць гэтую хоць і недасканалую, але нашую дзяржаву, альбо згуртавацца вакол Айчыны і на ўвесь свет сказаць — мы гатовыя яе бараніць!

Выданне

Складанка распаўсюджваецца праз сеціва. У рэлізе было паведамлена:

Белы Легіён адраджаецца. І ўжо не як закрытая баявая арганізацыя, а як нацыянальная субкультура парамілітары. Адзін з яе элементаў — баявая патрыятычная музыка. Спампоўвайце, слухайце.

Змест

№	Назва	Аўтар	Працягласць
1.	«Мы на маршы»	невядомы легіянер	02:59
2.	«Нёман»	Анатоль Астрэйка, Несцер Сакалоўскі	02:56
3.	«Воіны Ранку»	Сяргей Міхалок, пераклад Зміцер Сасноўскі	03:51
4.	«Марш Белага Легіёну/Трымайся Маці»	невядомы легіянер, 1993 год	02:14
5.	«Сонца нам дапаможа»	Лявон Вольскі, Зміцер Вайцюшкевіч	01:52
6.	«За Радзіму, за герояў»	ХІХ ст., пераклад Алесь Чумакоў, Зміцер Сасноўскі	02:31
7.	«Гімн Белага Легіёну»	Алесь Мікус	02:07
8.	«Воран»	Алена Забаронак	03:43
9.	«Развітанне/Бывай мой родны кут»	У. Лойка, М. Іваноў	01:45
10.	«Армейская сям’я»	Сяргей Макей	02:40
11.	«Мы выйдзем шчыльнымі радамі»	Уладзімір Тэраўскі, Макар Краўцоў	01:42
12.	«Літвін»	Стары Ольса	03:16
13.	«Спеў Тодара»	Тодар Кашкурэвіч	03:23
14.	«Пагоня»	Максім Багдановіч, Мікола Куліковіч-Шчаглоў	04:03
15.	«Чакай, Матуля»	Сяргей Макей, Ніна Захарэвіч	02:49
16.	«У гушчарах»	Мікола Куліковіч-Шчаглоў, Наталля Арсеннева	02:09
17.	«Я сын таго краю»	Алесь Змагар, Андрэй Мельнікаў	01:39
18.	«Шыхт зважай»	версія невядомага легіянера, жывы гук	01:45
19.	«Гімн Белага легіёна (2003 год)»	Алесь Мікус	02:55
50:28

Цікавыя факты

Зборнік быў прысвечаны «сапраўднаму сыну Айчыны — Алегу Радзюку (27.08.1963—20.06.2019)».

Спасылкі

Сайт Архівавана 12 красавіка 2021.
Збор грошай Архівавана 12 ліпеня 2020.
Альбом на «Soundcloud»

У СМІ