Сцяг Антыгуа і Барбуды

Сцяг Антыгуа і Барбуды
Зацверджаны	27 лютага 1967
Выкарыстанне
Прапорцыя	2:3
Аўтар сцяга	Рэджынальд Самюэль

Сцяг берагавой аховы, прапорцыя: 2:3

Дзяржаўны сцяг Антыгуа і Барбуды — прыняты 27 лютага 1967 года.

Сімволіка сцяга шматзначная.

• Узыходзячае сонца адлюстроўвае ў сімвалічнай форме світанак новай эры.
• Чорны колер указвае на афрыканскія карані жыхароў.
• Чырвоны колер сімвалізуе энергію народа.
• Паслядоўная афарбоўка — жоўты, сіні і белы (уніз ад сонца) — сонца, мора, і пясок.
• Сіні колер — сімвал надзеі, а таксама сімвалізуе Карыбскае мора.
• V-вобразная форма — сімвал перамогі (ад англ.: victory — перамога).

Сцяг створаны мастаком і скульптарам сэрам Рэджынальдам Самюэлем і выкарыстоўваецца з часу атрымання самакіравання ў 1967 годзе. Праект Самюэля стаў лепшым у конкурсе, у якім удзельнічала больш 600 аўтараў.