Сямён Іванавіч Азараў

Сямён Іванавіч Азараў
Дата нараджэння	18 (31) студзеня 1909(1909-01-31)
Месца нараджэння	в. Вілейка, Магілёўская губерня, Расійская імперыя
Дата смерці	8 мая 1942(1942-05-08) (33 гады)
Месца смерці	наваколлі Кесценьгі, Лаўхскі раён, Карэла-Фінская ССР, СССР
Месца пахавання	Kestenga[d] Sosnovy[d]
Альма-матар	Санкт-Пецярбургскае вышэйшае агульнавайсковае каманднае вучылішча[d]
Грамадзянства	Расійская імперыя  СССР
Прыналежнасць
Род войскаў	пяхота
Гады службы	1928—1942
Званне	Падпалкоўнік
Камандаваў	298-ы стралковы полк
Бітвы/войны	Савецка-фінская вайна, 1939-1940 Вялікая Айчынная вайна
Узнагароды і званні

Сямён Іванавіч Азараў (18 (31) студзеня 1909 — 8 мая 1942) — удзельнік савецка-фінскай і Вялікай Айчыннай войнаў, камандзір 298-га стралковага палка 186-й стралковай дывізіі 14-й арміі Карэльскага фронту, Герой Савецкага Саюза (1943), падпалкоўнік.

Біяграфія

Нарадзіўся ў вёсцы Вілейка Магілёўскай губерні (цяпер Чавускі раён, Магілёўская вобласць, Беларусь) у сялянскай сям'і. Беларус. Сябра ВКП(б) з 1937 года. Скончыў 7 класаў.

У Чырвонай Арміі з 1928 года. З 1931 года, пасля заканчэння Ленінградскай ваеннай пяхотнай школы, служыў у стралковых частках на Крайняй Поўначы.

Удзельнічаў у савецка-фінскай вайне 1939-40 гадоў, камандзірам стралковага батальёна.

Удзельнік Вялікай Айчыннай вайны з 1941 года. Яе пачатак капітан Азараў С. І. сустрэў у перыяд службы ў штабе 14-й арміі.

У ліпені 1941 года ў савецкае Запаляр'е ўварваліся буйныя сілы гітлераўскай арміі «Нарвегія». На цяжкіх кровапралітных баях на мяжы ракі Заходняя Ліца двум стралковым дывізіям 14-й арміі ўдалося спыніць прасоўванне праціўніка. Але ў верасні 1941 года фашысцкія войскі аднавілі наступ, над горадам-портам Мурманскам (з 1985 года — горад-герой) навісла пагроза захопу. У гэтыя дні з добраахвотнікаў, байцоў народнага апалчэння Мурманска была сфарміравана 186-я (Палярная) стралковая дывізія. Дасведчаны афіцэр-франтавік С. І. Азараў быў прызначаны камандзірам 298-га стралковага палка гэтай дывізіі.

На вераснёўскіх баях на Заходняй Ліцы новае злучэнне разам з іншымі дывізіямі 14-й арміі трывала закрыла фашыстам шлях на Мурманск. У наступных баях канца 1941 года на кесценьгскім і маселыскім напрамках камандзір палка Сямён Азараў праявіў сябе энергічным, валявым начальнікам, бясстрашным ваяром і ўмелым арганізатарам баявога калектыву.

Загінуў у баю на тэрыторыі Карэліі.

Падпалкоўнік Азараў С. І. пахаваны ў брацкай магіле ў пасёлку Сасновы Лаўхскага раёна Карэліі.

Указам Прэзідыума Вярхоўнага Савета СССР ад 22 лютага 1943 года за ўмелае камандаванне палком, узорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым мужнасць і геройства падпалкоўніку Азараву Сямёну Іванавічу пасмяротна прысвоена званне Героя Савецкага Саюза.

Узнагароды

• Медаль «Залатая Зорка» Героя Савецкага Саюза
• Ордэн Леніна
• Ордэн Чырвонай Зоркі

Памяць

• Імем Героя названая вуліцы:
  • Ў пасёлку сельскага тыпу Кесценьга Лаўхскага раёна Рэспублікі Карэліі.
  • У горадзе Чавусы Магілёўскай вобласці Беларусі.
• На алеі Герояў ў горадзе Чавусы вывешаны партрэт Азарава.

Літаратура

• Герои Советского Союза: Краткий биографический словарь / Пред. ред. коллегии И. Н. Шкадов — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Азараў Сямён Іванавіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 26. — 680 с. — 20 000 экз. — ISBN 5-85700-012-2.

Спасылкі

Сямён Іванавіч Азараў на сайце «Героі краіны» (Праверана 10 лютага 2012)