Тур Хеердал

Тур Хеердал
Thor Heyerdahl
Род дзейнасці:	падарожнік, археолаг, антраполаг, пісьменнік
Дата нараджэння:	6 кастрычніка 1914(1914-10-06)
Месца нараджэння:	Ларвік, Вестфал, Нарвегія
Грамадзянства:	Нарвегія
Дата смерці:	18 красавіка 2002(2002-04-18) (87 гадоў)
Месца смерці:	Аласіа, Лігурыя, Італія
Жонка:	1) Ліў Кушэрон-Торп 2) Івона Дэдэкам-Сімансен 3) Жаклін Бір
Дзеці:	1) Тур, Б'ерн 2) Анета, Марыян, Хелен Элізабет
Узнагароды і прэміі:	Шаблон:Камандор ордэна Святога Олафа Шаблон:Афіцэр ордэна Сонца Перу Шаблон:Кавалер ордэна Заслуг, Перу Шаблон:Вялікі афіцэр Ордэны За заслугі перад Італьянскай Рэспублікай Шаблон:Кавалер ордэна Заслуг, Егіпет
Тур Хеердал на Вікісховішчы

Тур Хеердал (нарв.: Thor Heyerdahl, 6 кастрычніка 1914, Ларвік, Нарвегія — 18 красавіка 2002, Кола-Мікеры, Італія) — выдатны нарвежскі падарожнік і вучоны, даследчык культуры і паходжання розных народаў свету: палінезійцаў, індзейцаў, жыхароў вострава Рапануі і інш. Здзейсніў некалькі надзвычай складаных шырока вядомых падарожжаў на копіях старажытных суднаў.

Біяграфічныя звесткі

Каб пацвердзіць сваю тэорыю пра засяленне астравоў Палінезіі з Амерыкі, у 1947 праплыў з экіпажам на плыце «Кон-Цікі» ад Перу да архіпелага Туамоту, у 1969 і 1970 — на папірусных лодках «Ра» і «Ра-2» ад Афрыкі да а-воў Цэнтральнай Амерыкі, у 1977—78 — на трысняговай лодцы «Тыгрыс» па маршруце Эль-Курна (Ірак) — вусце р. Інд — Джыбуці. Уражанні ад падарожжаў у кнігах «Падарожжа на «Кон-Цікі» (1949), «Аку-Аку» (1957), «Ра» (1970). «Фату-Хіва» (1975), «Тыгрыс» (1979) і інш.

Займаўся археалагічным пошукамі ў Перу, Балівіі, Эквадоры, на Галапагоскіх а-вах і в-ве Рапануі (Вялікадня). Аўтар прац па антрапалогіі, старажытнай гісторыі Акіяніі і Амерыкі.

На беларускую мову асобныя яго творы пераклаў Сяргей Міхальчук.

Беларускія пераклады

• Падарожжа на «Кон-Цікі»; На плыце ад Перу да Палінезіі. Мн., 1958.

Літаратура

• Хеердал // БЭ ў 18 т. Т. 17. Мн., 2003.