Уладзімір Мікалаевіч Сакс

Уладзімір Мікалаевіч Сакс
руск.: Владимир Николаевич Сакс
Дата нараджэння	9 (22) красавіка 1911
Месца нараджэння	Санкт-Пецярбург, Расійская імперыя
Дата смерці	17 лютага 1979(1979-02-17) (67 гадоў)
Месца смерці	Масква, РСФСР, СССР
Грамадзянства	Расійская імперыя  СССР
Род дзейнасці	навуковец
Навуковая сфера	геалогія, геамарфалогія і палеанталогія
Месца працы	Арктычны і антарктычны навукова-даследчы інстытут[d] Chief Directorate of the Northern Sea Route[d] Інстытут геалогіі і мінералогіі імя У. С. Собалева СА РАН[d]
Навуковая ступень	доктар геолага-мінералагічных навук і член-карэспандэнт АН СССР[d] (1958)
Альма-матар	Санкт-Пецярбургскі горны інстытут
Член у	Акадэмія навук СССР
Прэміі
Узнагароды

Уладзімір Мікалаевіч Сакс (руск.: Владимир Николаевич Сакс; (22 красавіка 1911 — 17 снежня 1979) — савецкі вучоны, геолаг, геамарфолаг і палеантолаг, доктар геолага-мінералагічных навук, член-карэспандэнт Акадэміі навук СССР (1958).

Біяграфія

Нарадзіўся ў Санкт-Пецярбургу. У 1933 годзе скончыў Ленінградскі горны інстытут. У 1932—1935 гадах працаваў у Беларускім геолагаразведачным трэсце (з 1933 года — Маскоўскі геолагаразведачны трэст). У 1935—1940 і з 1944—1958 гадах у Арктычным і антарктычным навукова-даследчым інстытуце (з 1948 года — Інстытут геалогіі Арктыкі), у 1940‒1944 гадах у Горнагеалагічным упраўленні Галоўнага ўпраўлення Паўночнага марскога шляху. З 1958 года працаваў у Інстытуце геалогіі і геафізікі Сібірскага аддзялення Акадэміі навук СССР на пасадзе загадчыка лабараторыі стратыграфіі і палеанталогіі мезазою і кайназою.

Памёр У. М. Сакс 4 лютага 1979 года ў Маскве.

Навуковая дзейнасць

У. М. Саксу належаць навуковыя працы па стратыграфіі адкладаў чацвярцічнага перыяду на тэрыторыі Беларусі, стратыграфіі, палеагеаграфіі і тэктоніцы мезазойскіх адкладаў Арктыкі і поўначы Сібіры.

Сярод апублікаванага:

• О расчленении ледниковых отложений в странах Восточной Европы // Проблемы соврменной геологии. — 1935. Т. 5. № 7. — С. 680—692.
• Геология и петрография Алазейского плато. — М.—Л.: Изд-во Главсевморпуть, 1941.
• Стратиграфия юрской и меловой систем Севера СССР. — М.—Л., 1963 (у сааўтарстве);
• Палеоландшафты Западной Сибири в юре, мелу и палеогене. — М.: Наука, 1968 (у сааўтарстве).

Узнагароды

• Медаль «За доблесную працу ў Вялікай Айчыннай вайне 1941—1945 гг.» (1945)
• Ордэн Працоўнага Чырвонага Сцяга (1973)
• Дзяржаўная прэмія СССР (1978)

Літаратура

• Сакс Уладзімір Мікалаевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 91. — 10 000 экз. — ISBN 985-11-0035-8. — ISBN 985-11-0238-5 (т. 14).
• Сакс Владимир Николаевич // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Спасылкі

• Профіль Уладзіміра Мікалаевіча Сакса на афіцыйным сайце РАН
• Сакс Владимир Николаевич // Інфармацыйная сістэма «История геологии и горного» Расійскай акадэміі навук (руск.)
• ЧП Советской Арктики. Труды и дни геолога Сакса // Наука из первых рук: 15 Янв 2004 , Происхождение и эволюция жизни на Земле, том 1, № 0 (руск.)