Уладзімір Мінавіч Мазго

З пляцоўкі Вікіпедыя
Jump to navigation Jump to search
Уладзімір Мінавіч Мазго
Асабістыя звесткі
Літаратурная дзейнасць
Род дзейнасці: паэт

Уладзімір Мінавіч Мазго (нар. 5 сакавіка 1959 г., г. п. Зэльва, Гродзенская вобласць) — беларускі паэт.

Біяграфія[правіць | правіць зыходнік]

Нарадзіўся ў сям'і рабочага. У 1964-1968 гг. разам з бацькамі жыў у Сібіры. У 1976 г. паступіў на філалагічны факультэт Беларускага дзяржаўнага ўніверсітэта (скончыў завочна ў 1985 г.). Служыў у Савецкай Арміі (1979-1981), быў карэспандэнтам шматтыражнай газеты «Інтэграл», выхавацелем у рабочым інтэрнаце, супрацоўнікам рэдакцыі літаратурна-драматычных праграм Беларускага тэлебачання. У 1984-? гадах рэдактар выдавецтва «Юнацтва». Пазней працаваў у выдавецтве «Мастацкая літаратура», у часопісах «Вясёлка» і «Полымя». З 2010 года намеснік галоўнага рэдактара часопіса «Полымя». Цяпер — намеснік рэдактара часопіса «Нёман».

Творчасць[правіць | правіць зыходнік]

Друкавацца пачаў у 1972 г. Аўтар паэтычных кніг «Пад спеў крыніц» (1982), «Вершаліна» (1987), «Марафон» (1992), «Анёл нябесны» (2007). Выдаў кнігі вершаў для дзяцей «Калі спрачаюцца маланкі» (1989), «Суседзі па сусвеце» (1994), «Смехапад» (1999), «Прыгоды марахода» (2002), «Цуда-вуда» (2008), «Таямнічая планета» (2008).

Прэміі і ўзнагароды[правіць | правіць зыходнік]

  • Лаўрэат прэміі Федэрацыі прафсаюзаў Беларусі ў галіне літаратуры (2005)
  • Лаўрэат прэміі Залаты купідон (2008)

Зноскі

Літаратура[правіць | правіць зыходнік]

  • Уладзімір Мінавіч Мазго // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995.