Уладзімір Сідаравіч Клішэвіч

З пляцоўкі Вікіпедыя
Jump to navigation Jump to search
Уладзімір Сідаравіч Клішэвіч
Асабістыя звесткі
Дата нараджэння: 12 сакавіка 1914(1914-03-12)
Месца нараджэння:
Дата смерці: 14 лістапада 1978(1978-11-14) (64 гады)
Месца смерці:
Грамадзянства:
Альма-матар:
Прафесійная дзейнасць
Род дзейнасці: паэт
Валодае мовамі: беларуская
Мова твораў: беларуская
Лагатып Вікіцытатніка Цытаты ў Вікіцытатніку

Уладзімір Сідаравіч Клішэвіч (12 сакавіка 1914, Краснадворцы, зараз Салігорскі раён, Мінская вобласць — 14 лістапада 1978, Лос-Анджэлес, ЗША) — беларускі паэт.

Біяграфія[правіць | правіць зыходнік]

Пасля заканчэння педагагічных курсаў у Слуцку працаваў настаўнікам. У 1933 г. паступіў на літаратурны факультэт Мінскага педагагічнага інстытута, які, аднак, закончыць не ўдалося. У 1936 г. быў рэпрэсіраваны і сасланы на Калыму. У жніўні 1940 быў прывезены ў Мінск на даследаванне і перагляд справы, дзе яго заспела вайна. Падчас акупацыі жыў у Слуцку, рэдагаваў «Газэту Случчыны». У 1944 г. выехаў у Германію. З 1948 г. жыў у ЗША, рэдагаваў ратапрынтны часопіс «Беларус у Амерыцы», працаваў выкладчыкам у каледжы ў штаце Індыяна. Некалькі разоў прыязджаў у БССР. Выказваў захапленне савецкім ладам жыцця, што абурыла беларускую эміграцыю і прывяло да з’яўлення ў замежнай беларускамоўнай прэсе фельетонаў, эпіграм, карыкатур на У. Клішэвіча.

Творчасць[правіць | правіць зыходнік]

Друкаваць вершы пачаў у 1931 годзе, выступаў у акруговай і раённай перыёдыцы. У час вайны друкаваўся ў акупацыйных газетах. Удзельнічаў у калектыўных зборніках «Песняры Случчыны» (Слуцк, 1943) і «Ля чужых берагоў» (Мюнхен — Нью-Ёрк, 1955). У 1964 г. выдаў зборнік паэзіі «Далячынь» (Саўт-Рывер, ЗША), у 1965 г. — паэму «Васіль Каліна» (Лондан), у 1973 г. — зборнік «Сняцца сны мне залатыя» (Бібліятэка газеты «Голас Радзімы», Мінск). У 1970—1975 гг. шмат вершаў апублікаваў у газеце «Голас Радзімы». Перакладаў на беларускую мову творы Анакрэона, Лукіяна, Катула, Платона, Амара Хаяма, Ф. Шылера, П. Шэлі, У. Уітмена, а таксама С. Ясеніна, М. Рыльскага і інш.

Зноскі

Літаратура[правіць | правіць зыходнік]

Спасылкі[правіць | правіць зыходнік]