Фёдар Трафімавіч Канстанцінаў

Фёдар Трафімавіч Канстанцінаў
Дата нараджэння	5 красавіка 1915(1915-04-05)
Месца нараджэння	Зялёны Прудок, Чавускі павет, Магілёўская губерня, Расійская імперыя
Дата смерці	13 кастрычніка 1991(1991-10-13) (76 гадоў)
Грамадзянства	СССР
Род дзейнасці	навуковец, публіцыст
Навуковая сфера	філасофія і публіцыстыка
Месца працы	Беларусь Звязда Бярозка Інстытут філасофіі РАН[d]
Навуковая ступень	доктар філасофскіх навук (1965)
Навуковае званне	прафесар
Альма-матар	БДУ
Узнагароды

Фёдар Трафімавіч Канстанці́наў (5 красавіка 1915 — 13 кастрычніка 1991) — вучоны, філосаф і публіцыст, доктар філасофскіх навук (1965), прафесар (1967). Заслужаны дзеяч навукі РСФСР (1975).

Біяграфія

Нарадзіўся ў вёсцы Зялёны Прудок (зараз у Чавускім раёне Магілёўскай вобласці Беларусі). У 1940 годзе скончыў Беларускі дзяржаўны ўніверсітэт. Працаваў у дзяржаўным выдавецтве «Беларусь», газетах «Звязда», «Столинская молодёжь», часопісе «Іскры Ільіча». З 1941 года ў Маскве, на камсамольскай і партыйнай рабоце, рэдагаваў часопіс «Славяне». З 1953 года ў Інстытуце філасофіі Акадэміі навук СССР — загадчык сектара філасофіі.

Навуковая і публіцыстычная дзейнасць

Аўтар беларускага савецкага календара 1943 года, брашур «Герой Савецкага Саюза Х. А. Смалячкоў» (1943), «Аб паходжанні беларускага народа» (1946). Зрабіў пераклад на беларускую мову рамана І. Ільфа і Я. Пятрова «Одноэтажная Америка».

Сярод апублікаванага:

• Георгий Димитров — выдающийся деятель международного рабочего движения. — М. 1950.;
• О народной демократии в странах Европы. Сборник статей. — М. 1956.

Літаратура

• Каўка А. К. Канстанцінаў Фёдар Трафімавіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 593—594. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• Константинов, Федор Трофимович (доктор философских наук; кандидат исторических наук; 1925—1991) (руск.) // Нацыянальная бібліятэка Беларусі