Цзян Цзэмінь (江泽民; 17 жніўня1926, г. Янчжоў, правінцыя Цзянсу, Кітай) — дзяржаўны і палітычны дзеяч Кітая, генеральны сакратар ЦК КПК з 1989 па 2002, старшыня Ваеннага савета ЦК КПК з 1989 па 2004, старшыня Цэнтральнага ваеннага савета КНР з 1990 па 2005, старшыня КНР з 1993 па 2003.
Нарадзіўся 17 жніўня 1926 ў г. Янчжоў, правінцыя Цзянсу ў сям'і патомных інтэлігентаў. Дзед быў лекарам, якія вызнаваў кітайскую традыцыйную медыцыну, захапляўся жывапісам і каліграфіяй. Бацька пісаў вершы, у гады антыяпонскай вайны выдаваў патрыятычныя часопісы, уступіў у кампартыю, якая была ў падполлі. Ва ўзросце 28 гадоў загінуў у ўзброенай сутычцы. Цзян Цзэмінь пайшоў па слядах бацькі. Скончыў Шанхайскі політэхнічны інстытут «Цзяатун» (1947). У час вучобы далучыўся да падпольнай працы, у 1946 годзе ўступіў у Камуністычную партыю Кітая (КПК).
Працаваў на інжынерных і кіруючых пасадах на заводадах і ў тэхналагічна-даследчых інстытутах, з 1973 у апараце 1-га Міністэрства машынабудавання. Стажыраваўся ў СССР (1955—56), узначальваў групы кітайскіх спецыялістаў у Румыніі (1971—73; з кітайскай дапамогай там пабудаваны 10 заводаў) і Пакістане (1976). 3 1980 намеснік старшыні і адказны сакратар Дзяржаўных камітэтаў КНР па кіраванні экспартам, імпартам і замежнымі інвестыцыямі. 3 1982 намеснік міністра, міністр электроннай прамысловасці. Мэр г. Шанхай (1985—88), сакратар яго гаркома КПК (1987—89), Член ЦК (1982—2002) і Палітбюро ЦК (1987—2002) КПК. Генеральны сакратар (чэрвень 1989 — лістапад 2002), старшыня Ваеннага савета (з лістапада 1989) ЦК КПК і старшыня КНР (сакавік 1993 — сакавік 2003). Праводзіў курс на паглыбленне рыначных рэформ пры захаванні кіруючай ролі КПК. У 2001 наведаў з афіцыйным візітам Беларусь.
Камуністычная.svg){kind=small}
Янчжоу, правінцыя. Цзянсу, Кітайская Рэспубліка
