Чачэрская ратуша
Ратуша | |
Чачэрская ратуша | |
---|---|
52°55′09″ пн. ш. 30°54′57″ у. д.HGЯO | |
Краіна | Беларусь |
Горад | Чачэрск |
Тып будынка | ратуша |
Архітэктурны стыль | класіцызм з элементамі псеўдаготыкі |
Заснавальнік | Захар Рыгоравіч Чарнышоў |
Дата заснавання | XVIII стагоддзе |
Дата пабудовы | XVIII стагоддзе |
Статус | Гісторыка-культурная каштоўнасць Беларусі, шыфр 311Г000805 |
Медыяфайлы на Вікісховішчы |
Чачэрская ратуша — помнік архітэктуры класіцызму з элементамі псеўдаготыкі ў горадзе Чачэрску (Гомельская вобласць). Пабудавана ў 2-й палове XVIII стагоддзя ў цэнтры горада.
Гісторыя[правіць | правіць зыходнік]
У 1774 годзе Кацярына II падарыла Чачэрск генерал-губернатару графу Чарнышову. Граф стварыў сіметрычны архітэктурны ансамбль: вакол ратушы, на аднолькавай адлегласці ў некалькі кварталаў выбудаваў 4 храмы: тры царквы і касцёл (захавалася толькі Праабражэнская царква).
Архітэктура[правіць | правіць зыходнік]
Мураваны 2-павярховы прамавугольны ў плане і цэнтрычны будынак, завершаны 5 драўлянымі чацверыковымі вежамі[1]; 4 з іх размешчаны па вуглах асноўнага аб'ёму і ўвянчаны шпілямі, 5-я (больш высокая і звужаная ўверсе) — пасярэдзіне на масіўным чацверыковым барабане[1]. Аконныя праёмы прамавугольныя, стральчатыя і з паўцыкулярнымі арачнымі завяршэннямі. Карніз з фігурнымі кранштэйнамі. Да 2 уваходаў па баках галоўнага фасада вядуць манументальныя каменныя лесвіцы.
Нягледзячы на сіметрыю і ўжыванне простых геаметрычных аб'ёмаў, у аздобе выкарыстаны характэрныя для готыкі спічастыя абрысы праёмаў і фігурных кранштэйнаў, якія нагадваюць машыкулі[1]. Суровасць класіцызму ў гэтым будынку разбаўлена больш разнастайнымі архітэктурнымі дэталямі[1].
Адрэстаўравана ў 2003 годзе.
Зноскі
- ↑ а б в г Лазука Б.А. Беларуская архітэктура XIX - пачатку XX стагоддзя // Гісторыя сусветнага мастацтва. Рускае і беларускае мастацтва XIX - пачатку XX стагоддзя. — Беларусь, 2011. — С. 336. — 431 с. — ISBN 978-985-01-0880-7.
Літаратура[правіць | правіць зыходнік]
- Беларуская энцыклапедыя: У 18 т. Т.17: Хвінявічы — Шчытні / Рэдкал.: Г. П. Пашкоў і інш. — Мн.: БелЭн, 2003. — 512 с.: іл.
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
Спасылкі[правіць | правіць зыходнік]
- На Вікісховішчы ёсць медыяфайлы па тэме Чачэрская ратуша
- Чачэрская ратуша на сайце Глобус Беларусі (руск.)
- Чачэрская ратуша на сайце Radzima.org
- Чачэрская ратуша на сайце «Архіварта»