Таццяна Іванаўна Шамякіна

Таццяна Іванаўна Шамякіна
Дата нараджэння	8 кастрычніка 1948(1948-10-08) (76 гадоў) ці 1948
Месца нараджэння	Мінск, БССР, СССР
Грамадзянства	СССР  Беларусь
Бацька	Іван Шамякін
Род дзейнасці	літаратуразнаўца, перакладчыца, літаратурная крытык, выкладчыца ўніверсітэта, літаратар
Навуковая сфера	літаратуразнаўства, літаратурная крытыка, перакладніцтва[d] і фальклор
Месца працы	БДУ
Навуковая ступень	доктар філалагічных навук
Навуковае званне	прафесар
Альма-матар	філалагічны факультэт БДУ
Член у	Саюз пісьменнікаў СССР Саюз пісьменнікаў БССР Саюз пісьменнікаў Беларусі
Прэміі	Залаты купідон (2010)
Узнагароды

Тацця́на Іва́наўна Шамя́кіна (нар. 8 кастрычніка 1948, Мінск) — беларуская крытык, літаратуразнаўца, перакладчыца. Доктар філалагічных навук (2001).

Біяграфія

Нарадзілася ў сям’і пісьменніка Івана Шамякіна. Скончыла філалагічны факультэт Беларускага дзяржаўнага ўніверсітэта (1971) і аспірантуру пры гэтым універсітэце (1974). З 1974 года — выкладчык, з 1982 года — дацэнт кафедры беларускай літаратуры ўніверсітэта.

Сябра Саюза беларускіх пісьменнікаў з 1983 года, пасля 2006 года перайшла ў Саюз пісьменнікаў Беларусі.

Навуковая дзейнасць

Даследуе беларускую міфалогію ў кантэксце сусветнай, у сувязі з літаратурай і фальклорам, праблемы сучаснай беларускай прозы, асаблівасці стылю беларускіх пісьменнікаў (Якуба Коласа, Алены Васілевіч, Івана Пташнікава, Аляксея Карпюка, Міхася Стральцова, Івана Чыгрынава і інш.). Аўтар манаграфій «На лініі перасячэння» (1981), «Беларуская класічная літаратура і міфалогія» (2001). Суаўтар падручнікаў па беларускай літаратуры для школ з паглыбленым і профільным вывучэннем беларускай літаратуры, ліцэяў, каледжаў, гімназій і ВНУ.

Творчасць

Аўтар кнігі літаратурнай крытыкі «На лініі перасячэння» (1981). Пераклала на рускую мову аповесці Івана Шамякіна «Гандлярка і паэт» (Масква, 1977), «Драма» (часопіс «Нёман», 1989), п’есу «Залаты медаль» (пастаўлена ў 1980), раманы «Вазьму твой боль» (Масква, 1980), «Петраград — Брэст» (Масква, 1985), «Зеніт» (Масква, 1988).

Узнагароды

Лаўрэатка прэміі «Залаты купідон» (2010).

Выбраная бібліяграфія

• Міфалогія Беларусі. — Мн., 2000.
• Міфалогія і беларуская літаратура: нарысы і эсэ. — Мн., 2008. ISBN 978-985-02-0925-2

Літаратура

• Таццяна Іванаўна Шамякіна // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.