Эргакальцыферол

Эргакальцыферол
Агульныя
Хім. формула	C₂₈H₄₄O
Тэрмічныя ўласцівасці
Класіфікацыя
Рэг. нумар CAS	50-14-6
PubChem	5280793
Рэг. нумар EINECS	200-014-9
SMILES	CC(C)C(C)C=CC(C)C1CCC2C1(CCCC2=CC=C3CC(CCC3=C)O)C
ChemSpider	4444351

Эргакальцыферо́л (вітамін D₂) — адзін з найважнейшых кальцыферолаў. Галоўная крыніца эргакальцыферолу — алей, дрожджы, малако. Удзельнічае ў рэгуляцыі фосфарна-кальцыевага абмену.

Мае стэроідную структуру, утвараецца пад уплывам ультрафіялетавых прамянёў з вітаміну D₁, які ўтрымліваецца ў раслінах і мікраарганізмах.

У печані ператвараецца ў 25-гідраксі-эргакальцыферол, потым у нырках у 1,25-дыгідраксі-эргакальцыферол, які ўзмацняе ўсмоктванне кальцыю і фасфатаў у кішэчніку, нырках і вывядзенне кальцыю з касцей. Гэта прыводзіць да павышэння ўтрымання кальцыю ў крыві.

Эргакальцыферол валодае антыаксідантным і антыканцэрагенным дзеяннем.

Пры недахопе эргакальцыферолу ў дзяцей развіваецца рахіт, у дарослых — размякчэнне касцей, карыес; лішак эргакальцыферолу выклікае ўтварэнне камянёў у нырках і інш.

Прэпараты эргакальцыферолу (спіртавыя і масляныя растворы, дражэ) выкарыстоўваюць у медыцыне для прафілактыкі і лячэння рахіту і іншых парушэнняў абмену фосфару і кальцыю.

Літаратура

• Эргакальцыферол // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 148. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).